आशाताई बच्छाव
पोलिस स्थापना दिनानिमित्त चाळीसगाव पोलिसांनी विद्यार्थ्यांना दिली कामकाजाची माहिती
चाळीसगाव प्रतिनिधी विजय पाटील- चाळीसगाव शहर पोलीस स्टेशनला पोलीस रेझिंग डे सप्ताह निमित्त विशेष उपक्रम राबविण्यात आले. या उपक्रमात पोलीस स्टेशन हद्दीतील राष्ट्रीय विद्यालय अंधशाळा, हरिभाऊ चव्हाण प्राथमिक विद्यालय,
नालंदा विद्यालय चाळीसगाव, भास्कराचार्य इंटरनॅशनल इंग्लिश मीडियम स्कूल या शाळेचे आणि महाविद्यालयांतील एकूण 380 विद्यार्थी व विद्यार्थिनी उपस्थित होते.
विद्यार्थ्यांना चाळीसगाव पोलीस स्टेशन ला बोलावून पोलीस निरीक्षक किरणकुमार कबाडी, स पो नी सागर कोते व कर्मचारी यांनी पोलीस ठाण्याचे कामकाज, शस्त्रास्त्रांचे प्रदर्शन, आणि पोलीस यंत्रणेचे कार्य याबाबत सविस्तर माहिती दिली. विद्यार्थ्यांनी यामध्ये मोठ्या उत्साहाने सहभाग नोंदवला.
पोलीस रेझिंग डे सप्ताहाच्या निमित्ताने अशाच प्रकारचे उपक्रम पुढील दिवसांत राबविण्याचा मानस असल्याचे पोलीस निरीक्षक किरणकुमार कबाडी यांनी सांगितले.
यासाठी परिश्रम गोपनीय शाखेचे हवालदार पंढरीनाथ पवार, भटू पाटील, प्रवीण जाधव व कर्मचारी यांनी घेतले.
