९९ कोटी ११ लाख रूपयांच्या निधीतून होणार मार्कंडा देवस्थानाचे जीर्णोद्धार व विकास कामे

आशाताई बच्छाव

९९ कोटी ११ लाख रूपयांच्या निधीतून होणार मार्कंडा देवस्थानाचे जीर्णोद्धार व विकास कामे

आमदार डॉक्टर देवरावजी होळी यांच्या प्रयत्नांना यश

एमएसआरडीसी कडून सार्वजनिक बांधकाम विभागाकडे आता कामाची जबाबदारी आल्याने कामाला गती मिळणार

माननीय मुख्यमंत्री, दोन्हीं उपमुख्यमंत्र्यांसह मंत्री सुधीर भाऊ मुनगंटीवार यांचे मानले आभार।           गडचिरोली सुरज गुंडमवार ब्युरो चीफ 

मार्कंडा देवस्थानाच्या विकासासाठी ९९ कोटी ११ लाख रूपयांचा निधी प्राप्त झाला असूनb एमएसआरडीसी कडून सार्वजनिक बांधकाम विभागाकडे आता कामाची जबाबदारी आल्याने मागील कालावधीपासून थांबलेल्या कामाला गती मिळणार असल्याची माहिती आमदार डॉक्टर देवरावजी होळी यांनी मार्कंडा देवस्थानाच्या या कामाच्या नियोजनाच्या पाहणीच्या प्रसंगी केली

या देवस्थानाच्या विकासासाठी ९९ कोटी ११ लक्ष रुपयांचा निधी उपलब्ध करून दिल्याबद्दल आमदार डॉक्टर देवरावजी होळी यांनी राज्याचे मुख्यमंत्री ना. एकनाथजी शिंदे उपमुख्यमंत्री तथा पालकमंत्री ना देवेंद्रजी फडणवीस उपमुख्यमंत्री ना.अजितदादा पवार व सांस्कृतिक कार्यमंत्री ना.सुधीरभाऊ मुनगंटीवार यांचे जिल्हावासियांच्या वतीने आभार मानले आहे.

मुख्य मंदिराच्या जीर्णोद्धार व संवर्धनाकरिता २० कोटी ८१ लक्ष रुपये, नदीच्या पलीकडे पोहोचण्यासाठी भाविकांसाठी पुलाची निर्मिती २०० मीटर लांब ५ कोटी ५० लाख रुपये, धर्मशाळांचे सुधारणा १ कोटी रुपये, घाट व कपडे बदलण्याच्या जागेसह नदी परिसराचे सुशोभीकरण १५ कोटी ८६ लक्ष रुपये, मूळ पासून ५ मीटर रुंदीचा रस्ता बांधकामासाठी १७ कोटी ५० लाख रुपये ,घाट व कपडे बदलण्याच्या जागेसह नदी परिसराचे सुशोभीकरण १कोटी ८३ लक्ष, माहिती केंद्र (८०० चौरस मीटर) ६ कोटी ५० लाख रुपये अशा प्रकारे मार्कंडा देवस्थानाच्या विकासासाठी निधी उपलब्ध करून देण्यात आला आहे .त्याबद्दल आमदार महोदयांनी राज्य सरकारचे आभार मानले असून कामाला लवकरात लवकर सुरुवात करावी अशी मागणी केली आहे.

यावेळी उपसरपंच उमाकांत जुनघरे, गजानन भांडेकर, साखरवाडे, बांधकाम विभाग बड्डे, मृत्युजय गायकवाड, पुरातत्व विभाग ar शिवानी शर्मा, जिल्हा सचिव दिलीप चलाख,तालुका उपाध्यक्ष जैराम चलाख, भाजपा जेष्ठ नेते भाऊजी दहेलकर, युमो उपाध्यक्ष प्रतीक राठी, वसंत चौधरी, जिल्हा कार्यकारिणी सदस्य भोजराज भगत, विशेष दोषी, रामचंद्र वरवाडे, प्रिया म्हस्कोल्हे, सुषमा आत्राम, यांचे सह स्थानीक नागरिक प्रामुख्याने उपस्थित होते.