राजेंद्र पाटील राऊत
एनसीबीने गडगा कहाळा रस्त्यावर मांजरम येथे धाडसी कारवाईत ११२७ कीलो गांजा जप्त.
मुखेड प्रतिनिधी/मनोज बिरादार युवा मराठा न्युज नेटवर्क
मुंबई येथील एनसीबी पथकाने मिळालेल्या माहितीनुसार धाडसी कारवाई करत गडगा कहाळा मार्गावर मांजरम येथे गांजा वाहतूक करणाऱ्या ट्रकला पकडल्याची कारवाई १५ नोव्हेंबर रोजी पहाटे पाच वाजता केली.या घटनेने जिल्ह्यात एकच खळबळ उडाली आहे.
आंध्रप्रदेशातील विशाखापट्टणम येथून जळगांवला गांजा जाणार असल्याची माहिती एसीबीच्या पथकास मिळाली त्यानुसार पथकांनी गेल्या काही दिवसांपासून ट्रक क्रमांक एम एच २६एडी २१६५ या वाहनांवर पाळत ठेवली.सदरील ट्रक तेलंगणा बार्डर वरून महाराष्ट्रात प्रवेश केल्यावर त्याचा पाठलाग केला असता सदरील ट्रक नरसी चौकातून गडगा कहाळा मार्गाने नांदेड कडे जात असताना मांजरम गावात ट्रक अडवला व तपासणी केली यात ४३ गोणी त्याचे वजन ११२५ कीलो ग्राम बाजार मुल्य १२ कोटी जवळपास असल्याचे पथकातील अधिकारी सुधाकर शिंदे यांनी सांगितले.कारवाई यशस्वी करण्यासाठी स्थानिक नागरिकांनी मोलाचे सहकार्य केले.सरपंच प्रतिनिधी श्रीकांत माली पाटील, पोलिस पाटील जयराज शिंदे, हणमंत शिंदे, इंद्रजित पटवे, बाबुराव पटवे आदींनी सहकार्य केले.या पथकात अमोल मोरे, सुधाकर शिंदे, प्रमोद मोरे, कृष्णा पारमदरेकर यांचा सहभाग होता.
