🛑 पुण्यातील आमदाराच्या घरावर पोलिसांचा छापा :- करोडोंची वसुली 🛑

🛑 पुण्यातील आमदाराच्या घरावर पोलिसांचा छापा :- करोडोंची वसुली 🛑
✍️ पुणे 🙁 विलास पवार पुणे ब्युरो चीफ युवा मराठा न्युज )

पुणे :⭕सध्या पुण्यातील शिवाजीराव भोसले सहकारी बॅंक आर्थिक गैरव्यवहार प्रकरण राज्यभर गाजत आहे. यातच आता पुणे आर्थिक गुन्हे शाखेच्या पथकाने बॅंकेचे तत्कालीन अध्यक्ष आमदार अनिल भोसले यांच्या मालमत्ता जप्त करण्यास सुरवात केली आहे.

मालमत्तेमध्ये त्यांच्या लॅंड क्रूझर, टोयाटो कॅमरे ह्या दोन गाड्या पोलिसांनी जप्त केल्या आहेत. तसेच भोसले यांच्या 32 कोटी रुपयांच्या मालमत्ता अधिगृहीत करण्याचा प्रस्तावही सरकारकडे पाठविण्यात आला आहे. अशी माहिती आर्थिक गुन्हे शाखेचे पोलिस उपायुक्त संभाजी कदम यांनी दिली आहे.

याप्रकरणी बॅंकेतील 71 कोटी 78 लाख रुपयांच्या गैरव्यवहारप्रकरणी भोसले यांच्यासह 16 संचालकांविरुद्ध गुन्हा दाखल केला होता.

त्यापैकी आमदार भोसले, मुख्य कार्यकारी अधिकारी तानाजी दत्तू पडवळ, मुख्य लेखापाल शैलेश संपतराव भोसले, यांना पोलिसांनी फेब्रुवारी महिन्यात अटक केली होती.

चौकशीमध्ये भोसले यांच्याकडे कोरेगाव मूळ येथे स्वतःची शेती, तसेच शिवाजीनगर, विश्रांतवाडी, कोथरूड, वारजे यासह शहराच्या वेगवेगळ्या भागात व्यावसायिक संकुल, दुकाने, सदनिका, अशा 18 हून अधिक मालमत्ता आहेत. त्याचबरोबर त्यांची 170 बॅंक खाती असून त्यामध्ये एक कोटी 90 लाख रुपयांची रोकड आहे.

संबंधित मालमत्तांचा लिलाव करून त्यातून येणारे पैसे ठेवीदारांना देण्यात येणार आहेत. त्यामुळे ठेवीदारांना दिलासा मिळाला आहे. यामध्ये अजून कोणाला समावेश आहे, याची देखील चौकशी सुरू आहे.

भोसले यांच्याकडे अनेक गाड्या आहेत. स्वतःच्या नावावर असलेल्या दोन गाड्या जप्त केल्या आहेत.

उर्वरित गाड्या बॅंकेच्या नावावर आहे. त्यांच्या सर्व गाड्यांचे नंबर 7171 आहेत. हाच क्रमांक ठेवण्यामागे नेमके काय गुपित आहे, याचा मात्र अद्याप उलगडा झालेला नाही. याप्रकरणी पोलिसांकडून चौकशी सुरू आहे…..⭕