आशाताई बच्छाव
चंद्रपूरमध्ये स्वयंघोषित “पंतप्रधान”चा थरार!
पोलिसांचे बॅरिकेड तोडून चारचाकीने पळ
चंद्रपूर | प्रतिनिधी आनंद खजांची
चंद्रपूर जिल्ह्यात एक धक्कादायक प्रकार उघडकीस आला आहे. स्वतःला देशाचा “पंतप्रधान” म्हणवून घेणाऱ्या महादेव गुलाबराव आसेकर या व्यक्तीने पोलिसांनी लावलेले बॅरिकेड तोडून चारचाकी वाहनासह पळ काढल्याची घटना घडली आहे.
सदर व्यक्तीने आपल्या वाहनावर “पंतप्रधान भारत” असा मजकूर लिहिला असून, स्वतःच्या लेटरपॅडवरून नागपूर येथील पोलिस आयुक्तांना पत्र देत पोलिस संरक्षण आणि पिस्तुल परवान्याची मागणी केली असल्याची माहिती समोर आली आहे.
या घटनेमुळे परिसरात एकच खळबळ उडाली असून, नागरिकांमध्ये कुतूहल आणि संभ्रमाचे वातावरण आहे. कायदा व सुव्यवस्थेचा प्रश्न निर्माण झाल्याने पोलिस प्रशासन सतर्क झाले आहे.
स्वयंघोषित पदाचा गैरवापर, शासकीय नावाचा वापर आणि बॅरिकेड तोडल्याप्रकरणी संबंधित व्यक्तीवर कोणती कारवाई होते, याकडे सर्वांचे लक्ष लागले आहे.
