आशाताई बच्छाव
नेवासा -अहिल्यानगर कारभारी गव्हाणे तालुका प्रतिनिधी –आजपासून मुळा धरणातून सुटणार पाण्याचे आवर्तन
मुळा उजव्‍या कालव्‍यातून आज पासून आवर्तन सोडण्‍याचा निर्णय जलसंपदा विभागाने घेतला आहे. या संदर्भात मंत्री राधाकृष्ण विखे पाटील यांच्या उपस्थितीत झालेल्या बैठकीत आवर्तनाचे वेळापत्रक निश्चित करण्‍यात आले. मुळा धरणातून पाण्याचे आवर्तन मिळावे अशी मागणी लाभक्षेत्रातील शेतकऱ्यांनी केली होती. याचे गांभिर्य लक्षात घेवून मंत्री विखे पाटलांनी जलसंपदा विभागाच्‍या आधिकाऱ्यां समवेत नागपूर येथे बैठक घेतली.
या बैठकीला आमदार शिवाजी कर्डिले, आमदार विठ्ठलराव लंघे, आमदार मोनिका राजळे, आमदार काशिनाथ दाते यांच्‍यासह जलसंपदा विभागाच्‍या कार्यकारी अभियंता यांच्‍यासह अन्‍य आधिकारी उपस्थित होते. बैठकीत झालेल्या निर्णयानुसार मुळा उजव्‍या कालव्‍यातून १९ डिसेंबर २०२४ रोजी लाभक्षेत्रासाठी पाणी सोडण्‍यात येणार असून, ३५ दिवसांचे आवर्तन निश्चित करण्‍यात आले असल्‍याचे कार्यकारी अभियंता सायली पाटील यांनी सांगितले.
