आशाताई बच्छाव
चाळीसगावात तरूणाचे अपहरण करून जीवे ठार मारण्याचा प्रयत्न – 6 जणांवर गुन्हा
चाळीसगाव प्रतिनिधी विजय पाटील- वडिलांच्या मारेकऱ्यांचा मित्र असल्याच्या कारणातून 25 वर्षीय तरूणाचे अपहरण करून पिस्तुलचा धाक दाखवून त्यास जीवे ठार मारण्याचा प्रयत्न केल्याची घटना शहरात उघडकीस आली असून या प्रकरणी तिघांच्या विरोधात चाळीसगाव शहर पोलीस स्टेशनला गुन्हा दाखल करण्यात आला आहे.
घटनेची शहर पोलीसांनी दिलेली माहिती अशी की, कल्पेश सुनील पाटील रा. नवा मालेगाव रोड, राखुंडेनगर, चाळीसगाव हा संययित अनिकेत महेंद्र मोरे याच्या वडिलांच्या मारेकर्‍यांचा मित्र आहे या कारणावरून तिघांनी कल्पेश यास पिस्तुलचा धाक दाखवून खून करण्यासाठी अपहरण करून चापटाबुक्क्यांनी, काठीने तसेच बेल्टने मारहाण केली. तसेच त्यास वाहनात टाकून बाहेरगावी घेऊन जात आता तुला जीवंत सोडत नाही असे म्हणत अनिकेतने त्याच्याकडील बागायत रूमालने फास देवून जीवे ठार मारण्याचा प्रयत्न केला.
तर दोघांनी सुमित कोठे आहे असे सांगत नाही म्हणून याला जीवंत सोडू नका असे म्हणून दोन्ही बाजुंनी रूमाल ओढून जीवे मारण्याचा प्रयत्न केला. तर इतर अनोळखींनी काठीने मारहाण केली.
ही घटना दि.17 रोजी रात्री 8 वाजता नवा मालेगाव रोड, रस्त्यावर घडली.
या प्रकरणी कल्पेश सुनील पाटील याच्या फिर्यादीवरून संशयित अनिकेत महेंद्र मोरे, कृष्णा जिभाऊ झाल्टे,मेहूल मोरे सवर्र् रा. चाळीसगाव व इतर तीन अनोळखी इसम यांच्या विरोधात चाळीसगाव शहर पोलीस स्टेशनला भारतीय न्याय संहिता कलम 109,137(2),140(1),142,60 प्रमाणे गुन्हा दाखल करण्यात आला आहे. तपास पोलीस उपनिरीक्षक योगेश माळी हे करीत आहेत.
