आशाताई बच्छाव
मुरुड तालुक्यात मागील आठवड्यापासून पावसाने आज दमदार जोर धरला
युवा मराठा न्यूज अलिबाग तालुका :- संभाजी म्हात्रे
गेल्या काही दिवसांपासून राज्यात पावसाचा जोर वाढला असून रायगड जिल्ह्यात जोरदार पाऊस पडत आहे. मुरुड तालुक्यात मागील आठवड्यापासून पावसाने दमदार जोर धरला असून पावसाच्या धुव्वाधार बॅटिंग ने शहरातील सखल भागात पाणी साचले, मुरुड-अलिबाग रस्त्यावर राजवाडा जवळ नाले बंद झाल्याने रस्त्यावर पाणी येऊ लागले आहे. याचा दैनंदिन जीवनावर व वाहतूकीवर परिणाम दिसून येत होता.
भारतीय हवामान विभागाने पुढील 3 तासात मुंबईसह व रायगड जिल्ह्यात काही ठिकाणी अति मुसळधार पावसाचा इशारा दिला आहे. तरी नागरिकांनी सतर्क राहावे. मंत्रालय नियंत्रण कक्षाने कळविले आहे. पुढील 3-4 तासांत 45-55 किमी प्रतितास वेगाने वाऱ्यासह पावसाच्या जोरदार सरी येण्याची शक्यता-आयएमडी मुंबईने वर्तविण्यात आली आहे.
मुरुडमध्ये दि. 13 जुलै रोजी 108 मि.मि. पावसाची नोंद झाली असून तालुक्यात आतापर्यंत 1388 मि.मि. इतका पाऊस पडला आहे. फणसाड व आंबोली धरण भरून वाहू लागले आहेत.
तालुक्यातील साळाव, बोर्ली, मांडला, काशिद, नांदगाव मजगांव, मुरुड, आगरदांडा, राजपूरी भागात जोरदार पाऊस पडत आहे. विहूर नदीला भरपूर प्रमाणात पाणी आले, राजवाडा नजीकच्या रस्त्यावर असलेले धबधबे कोसळत होते तसेच शेगवाडा, सार्वजनिक बांधकाम विभाग कार्यालय, बाजार पेठेतील कल्याणी स्टॉपवर पाणी साचल्याने सकाळच्या वेळेत येणारी काही वृत्तपत्रे पावसाने भिजली, रात्री पासूनच कोसळणाऱ्या धुव्वाधार पावसाने शहरासह तालुक्यातील जनजीवनावर परिणाम दिसून आला.
