आशाताई बच्छाव
नाशिकमध्ये वर्गात चक्कर आल्याने सहावीतील विद्यार्थिनीचा मृत्यू
सतीश सावंत-विभागीय प्रतिनिधी : कसमादे
नाशिक शहरातील सिडको परिसरातील एका शाळेत विद्यार्थिनीचा मृत्यू झाल्याची धक्कादायक घटना उघडकीस आली असून, प्राथमिक माहितीनुसार नाशिक मधील सिडको परिसरातील एका शाळेत इयत्ता सहावीच्या वर्गात शिकणाऱ्या अकरा वर्षीय मुलीचा वर्गातच मृत्यू झाला आहे. दिव्या त्रिपाठी असे या मृत मुलीचे नाव आहे.
नेमकं काय घडलं…?
ही मुलगी शाळेत चक्कर येऊन बेंचवरून खाली पडली असता, तिला तातडीने जिल्हा रुग्णालयात दाखल करण्यात आले. मात्र, डॉक्टरांनी तिला मृत घोषित केले. चक्कर येऊन पडल्याने तिचा मृत्यू झाल्याची प्राथमिक माहिती समोर आली असून मृत्यूचे कारण अद्याप स्पष्ट झालेले नाही. केवळ चक्कर आल्याने मृत्यू झाल्याची घटना घडल्याने परिसरात एकच खळबळ उडाली आहे. या विद्यार्थिनीचा मृत्यू केवळ चक्कर आल्याने झालाय की, यामागे काही वेगळे कारण आहे याबाबत सविस्तर तपास पोलीस करत आहेत.