आशाताई बच्छाव
गावठी कट्टा कमरेला लावून फिरणारा तरुण जेरबंद; एलसीबीची कार्यवाई
मोहन चव्हाण
ब्युरो चीफ बीड जिल्हा
बीड दि: ०६ एक तरुण गावठी कट्टा कमरेला लावून फिरत असल्याची माहिती स्थानिक गुन्हे शाखेला मिळाली. माहिती मिळताच सापळा लावत शहरातील तुळजाई चौकात या तरुणाला बेड्या ठोकल्या ही कार्यवाही मंगळवारी सकाळी करण्यात आली. राहुल प्रकाश तुपे वय २७ वर्ष रा. शिरापूर ता. शिरूर ह.मु. बीड असे पकडलेल्या आरोपीचे नाव आहे. तो कमरेला गावठी कट्टा लावून शहरात फिरत होता. ही माहिती मंगळवारी सकाळी स्थानिक गुन्हे शाखेला मिळाली. त्यांनी लगेच राहुल तुपेचा शोध घेण्यास लगेच सुरुवात केली. तो तुळजाई चौकात असल्याचे समजताच एलसीबीच्या पथकाने सापळा लावला. तो दिसताच त्याला पकडले त्याची अंगझडती घेतली असता त्याच्या कमरेला गावठी कट्टा आढळून आला. पोलिसांनी तो जप्त केला असून तीन जिवंत काढतूसही जप्त केले आहेत. त्याला शिवाजीनगर पोलिसांच्या स्वाधीन केले असून गुन्हा दाखल करण्याची प्रक्रिया सुरू होती. ही कार्यवाही पोलीस अधीक्षक नंदकुमार ठाकूर, अप्पर पोलीस अधीक्षक सचिन पांडकर यांच्या मार्गदर्शनाखाली पोलीस निरीक्षक संतोष साबळे , उपनिरीक्षक श्रीराम खटावकर, हवालदार मनोज वाघ, प्रसाद कदम, विकास वाघमारे, सोमनाथ वाघमारे, सचिन आंधळे, सुनील राठोड, विकी सुरवसे, नारायण कोरडे आदींनी केली.
