आशाताई बच्छाव
दोन भरधाव वाहणाची आमोरासमोर धडक;दोन गंभीर जखमी
गोबरवाही-चिचोली रस्त्यावरील घटना
संजीव भांबोरे
भंडारा (जिल्हा प्रतिनिधी) दोन विरुद्ध दिशेने येणाऱ्या भरधाव दुचाकींची समोरासमोर धडक झाली. यात दोन दुचाकीस्वार गंभीर जखमी झाले. सदर अपघात तुमसर तालुक्यातील गोबरवाही- चिचोली दरम्यान आंतरराज्य मार्गावर सोमवारी ता.२० नोव्हेंबर दुपारी १२.२५ च्या दरम्यान घडला. जखमींना उपचाराकरिता तुमसर येथे दाखल करण्यात आले आहे.
अपघातात गंभीर जखमींची नावे दिनेश मनोहर कुंभलकर(४०) राहणार डोंगरी बु. व प्रवीण सोनवाणे(४६) राहणार इंदिरानगर, तुमसर अशी आहेत.
दिनेश कुंभलकर वय (४०) हे डोंगरी बु. येथून दुचाकी होंडा सीडी डीलक्स क्रमांक एम. एच.३६ ए.६५५५ दुचाकीने गोबरवाही वरून तुमसरकडे येत होते. तर प्रवीण सोनवणे वय(४६) रा. इंदिरा नगर तुमसर दुचाकी क्रमांक एम. एच.३१ ए.जे.६२६ ने तुमसर वरून डोंगरी येथे जात होते. चिचोली गोबरवाही दरम्यान दोन्ही भरधाव दुचाकी आमोरासमोर धडकल्या. त्यात दिनेश कुंभलकर व प्रवीण सोनवाणे हे गंभीर जखमी झाले. घटनास्थळी मोठ्या प्रमाणात रक्त पडून होते. धडक इतकी जोरदार होती की दोन्ही दुचाकींच्या समोरील भागाचा चेंदामेंदा झाला. फिर्यादी डॉ मेमो एम.एल. सी. लेखी रिपोर्ट वरून गोबरवाही पोलीस ठाण्यात गुन्हा दाखल करण्यात आला.यात सहायक पोलीस निरीक्षक नितीन मदनकर यांच्या मार्गदर्शनाखाली सदर घटनेचा तपास गौरीशन्कर कडव करीत आहेत
