आशाताई बच्छाव
मुखेड कंधार विधानसभा मतदारसंघातील रस्ते विकासासाठी ५६ कोटी रुपयाचा निधी
आमदार डॉ. तुषार राठोड यांची माहिती
नांदेड जिल्हा ब्युरो चीफ मनोज बिरादार (युवा मराठा न्यूज नेटवर्क)
मुखेड कंधार विधानसभा मतदार संघातील काही रस्त्यांची अवस्था अत्यंत बिकट झाल्याने या रस्त्यां च्या विकासासाठी निधी मिळावा अशी मागणी राज्याचे उपमुख्यमंत्री माननीय देवेंद्र फडणवीस यांच्याकडे केली होती. त्यानुसार पावसाळी अधिवेशनातील अर्थसंकल्पीय पुरवणी मागण्यांमध्ये मतदार संघातील अत्यंत महत्त्वाच्या परंतु दुर्लक्षित अशा रस्त्यांच्या विकासासाठी ५६ कोटी रुपयांची तरतूद करण्यात आल्याची माहिती मुखेड – कंधार विधानसभा मतदारसंघाचे लोकप्रिय आमदार डॉ. तुषार राठोड यांनी पत्रकार परिषदेत दिली.
याबाबत अधिक माहिती देताना आमदार डॉ. तुषार राठोड पुढे म्हणाले की बाराहाळी- बिल्लाळी- जाहूर- खानापूर हा रस्ता दोन तालुक्यांना जोडणारा महत्त्वपूर्ण रस्ता असून सध्या परिस्थितीत या रस्त्याची अत्यंत वाईट अवस्था झालेली आहे नागरिकांना दळणवळणासाठी या रस्त्यावरून वाहने घेऊन जाताना खूप त्रास होत आहे यासाठी कृष्णावाडी ते बापशेठवाडी या लांबीसाठी ०७ कोटी रुपये तर बापशेठवाडी पासून जाहूर पर्यंत च्या रस्त्यासाठी १८ कोटी रुपये असे एकूण २५ कोटी रुपये मंजूर करण्यात आले. आहेत .त्यासोबतच उंद्री प.दे. येथील सोसायटी तांडा हा गेल्या ७५ वर्षांपासून पक्या रस्त्याविना वंचित होता. येथील माजी उपसरपंच तथा भाजपा कार्यकर्ते यशवंत बोडके, रामराव राठोड ,बळीराम राठोड, हनमंत वडजे ,ज्ञानेश्वर वडजे शेषराव वडजे ऊत्तम राठोड ,मोतीराम राठोड, काशिनाथ पवार ,बळीराम पवार आदींच्या मागणीनुसार सोसायटी तांड्याला स्वतः आमदार राठोड यांनी भेट देऊन प्रत्यक्ष पाहणी करून या रस्त्यासाठी प्रथम रस्त्याचं श्रेणीवाढ करून या रस्त्याला प्रमुख जिल्हा मार्ग या श्रेणीमध्ये स्थान देऊन या रस्त्याच्या कामासाठी ०५ कोटी रुपये मंजूर केले आहेत .
यासोबतच मुखेड -कंधार मतदारसंघातील दुसरा एक अत्यंत महत्वपूर्ण रस्ता असून तो म्हणजे अहमदपुर -मोहिजा- कुरूळा- नागलगाव- घोडज या रस्त्याला पूर्वी कुरूळा – नागलगाव पर्यंतच्या कामासाठी १०कोटी रुपये मंजूर केले होते. परंतु कुरूळा येथील नागरिकांना अहमदपुरकडे जाताना त्यांची अधिकची सोय व्हावी चांगला रस्ता उपलब्ध करून द्यावा म्हणून मोहिजा परांडा ते कुरूळा असे १३ कोटी रुपये नव्याने मंजूर करण्यात आले आहेत. कुरुळा -उमरगा खोजा- दिग्रस – गुंटुरया प्रमुख जिल्हा मार्गावरील काही रस्त्याची लांबी सततच्या पावसामुळे खराब झाली होती .यासाठी गुंटूर -दिग्रस – उमरगा खोजा- कुरूळा यासाठी १३ कोटी रुपये पुरवणी मागण्या मध्ये मंजूर करण्यात आल्याची माहितीही यावेळी आमदार महोदयांनी दिली.
राज्यात माननीय मुख्यमंत्री एकनाथ शिंदे साहेब आणि उपमुख्यमंत्री देवेंद्रजी फडणवीस साहेब यांच्या नेतृत्वाखालील सरकार स्थापन झाल्यानंतर मुखेड- कंधार विधानसभा मतदारसंघाच्या रस्ते विकासासाठी नव्या सरकारने आमदार डॉ. तुषार राठोड यांच्या मागणीला झुकते माप दिल्याचे या निधी मंजूरीतून दिसून येत आहे.
या पत्रकार परिषदेला कृषी उत्पन्न बाजार समिती मुखेड चे सभापती एड. खुशालराव पाटील उमरदरीकर, मुखेड पंचायत समितीचे सभापती प्रतिनिधी लक्ष्मणराव पाटील खैरकेकर, उपसभापती प्रतिनिधी मनोज भाऊ गोंड , बालाजी पाटील शिंदे बिल्लाळीकर, गणेश पाटील जाधव, भाजपा शहराध्यक्ष किशोरसिंह चौव्हाण ,आनंदराव पाटील जुने बेरळीकर, व्यंकटराव लोहबंदे, राजू घोडके ,हनुमंत पाटील नरोटे सुधीर चव्हाण आदी उपस्थित होते.