राजेंद्र पाटील राऊत
मुखेडात ०८ मस्जीदमध्ये १ हजार ८० नागरिकांनी घेतली लस
मुस्लिम समाजातील प्रतिष्ठित नागरिक व युवकांचा पुढाकार
मुखेड /प्रतिनिधी-मनोज बिरादार युवा मराठा न्युज नेटवर्क
कोरोना आजाराला रोखण्यासाठी मिशन ७५ या अभियानातंर्गत जिल्हाधिकारी व मुख्यकार्यकारी अधिकारी जिल्हा परिषद नांदेड यांच्या संकल्पनेनुसार ग्रामीण व शहरी भागात लसिकरण मोहीम राबविण्यात येत असुन तालुका प्रशासनाकडुन गावोगावी जावुन नागरिकांना लस घेण्याचे आवाहान करण्यात येत आहे प्रशासनाच्या या आवाहानास शहरातील युवकांनी उत्स्फूर्त प्रतिसाद देत मुखेड शहरातील आठ मस्जीदीमध्ये १ हजार ८० नागरिकांचे लसीकरण करून घेतले आहे.त्यामुळे मस्जिदीत एवढ्या मोठ्या प्रमाणात लसिकरण झाल्याबद्दल प्रशासनाकडुन कौतुक करण्यात आले.
सदर लसिकरण मोहीमेत या मोहिमेत शहरतील मदिना मस्जीद मधे अदनान पाशा यांच्या पुढाकाराने १४९ तर मनोहर टाॅकिज जवळ कुवैते इस्लाम मस्जीद मध्ये रियाज शेख यांच्या पुढाकाराने १४६ तसेच शिशु मंदिर जवळील रजा चौक मस्जीद येथे योगेश मामीलवाड यांच्या पुढाकाराने ४३ तर आयेशा मस्जीद मध्ये बबलू मुल्ला यांच्या पुढाकाराने १४० तसेच गौसिया मस्जीद येथे सय्यद शमशोदिन व नगरसेवक नासेरखाँ पठाण यांच्या पुढाकाराने ८५ तर सावित्रीबाई शाळा फुलेनगर येथील खुबा मस्जीद मध्ये राहूल लोहबंदे मित्रमंडळ यांच्या पुढाकाराने ७८ तसेच गरिब नवाज मस्जीद मध्ये सदर जिलानी शहा यांच्या पुढाकाराने ८४ तर उमर फारूक मस्जीद येथे शौकत होणवडजकर व शादुल होणवडजकर ३५५ असे एकून १ हजार ८० नागरीकांचे लसीकरण करण्यात आले. लसिकरण शिबिर यशस्वितेसाठी आयोजकासह, मुस्लिम समाजातील प्रतिष्ठित नागरीक व तरूणांनी परिश्रम घेतले सदर उपक्रमांचे तहसीलदार काशिनाथ पाटील, गटविकास अधिकारी तुकाराम भालके, तालुका आरोग्य अधिकारी डाॅ. रमेश गवाले, वैद्यकीय अधिक्षक डाॅ सुधाकर तहाडे, मुुु्ख्याधिकारी महेश हांडे यांनी युवकांच्या कार्याचे कौतुक करत अभिनंदन केले आहे.
