राजेंद्र पाटील राऊत
लॉकडाउन टाळण्यासाठी जनतेने कोरोना नियमांचे काटेकोरपणे पालन करावे;
नाशिक जिल्ह्याचे पालकमंत्री, कृषीमंत्री यांच्या उपस्थितीत जिल्ह्यातील कोरोना आढावा बैठकीत काही महत्वपूर्ण निर्णय
मालेगांव,(सतिश घेवरे प्रतिनिधी युवा मराठा न्युज नेटवर्क) नाशिक जिल्ह्यातील वाढती रूग्णसंख्या लक्षात घेवून कोरोनाच्या वाढत्या संसर्गावर नियंत्रण मिळविण्यासाठी तसेच लॉकडाउन टाळण्यासाठी जनतेने कोरोना नियमांचे काटेकोरपणे पालन करावे, असे संयुक्त आवाहन जिल्ह्याचे पालकमंत्री छगन भुजबळ, कृषीमंत्री दादाजी भुसे, विभागीय आयुक्त राधाकृष्ण गमे, जिल्हाधिकारी सूरज मांढरे यांनी कोविड आढावा बैठकीत केले आहे.
▪️ “जिल्ह्यात वाढती कोरोनाची साखळी तोडण्यासाठी येते 15 दिवस अतिशय महत्वाचे आहेत. प्रतिबंधात्मक आदेशांचे पालन करून नागरिकांनी प्रशासनास सहकार्य करावे” असे आवाहन कृषीमंत्री श्री. भुसे यांनी यावेळी केले.
▪️जिल्ह्यात सध्या 10 हजार 851 ॲक्टिव्ह रुग्ण असून त्यापैकी 80 टक्के रुग्ण नाशिक महानगरपालिका क्षेत्रात असून 18 टक्के रुग्ण ग्रामीण भागात आहेत तर मालेगावमध्ये 716 रुग्ण आहेत. यातील साधारण 90 टक्के रुग्ण गृहविलगीकरणात असून या रुग्णांच्या माध्यमातून कोरोनाचा संसर्ग पसरू नये यासाठी प्रशासनामार्फत प्रयत्न करण्यात येत आहेत.
▪️कोरोना परिस्थितीचा सामना करण्यासाठी ऑक्सिजन पुरवठा, रेमडिसिव्हर, व्हेंटीलेशन बेड आदी पुरेश्या प्रमाणात उपलब्ध आहेत. जिल्हा रुग्णालयात 20 किलोलिटर ऑक्सिजन टँक रविवारपासून कार्यान्वित होणार आहे.
▪️ट्रेसिंग वाढविण्यात आले असून त्यासाठी 3050 वरून 8000 पेक्षा अधिक तपासण्या करण्यात येत आहेत.
नाशिक जिल्ह्यातील सर्व लॅब मिळून साधारण 21000 नमुने तपासणीची क्षमता तयार करण्यात आली आहे.