🛑 राणीबागेतील फांद्याची छाटणी …! पावणे दोन कोटींच्या कंत्राटाची वाटणी 🛑

🛑 राणीबागेतील फांद्याची छाटणी …! पावणे दोन कोटींच्या कंत्राटाची वाटणी 🛑
✍️ मुंबई 🙁 विजय पवार महाराष्ट्र प्रतिनिधी युवा मराठा न्युज )

मुंबई :⭕राणीबाग अर्थात वीरमाता जिजाबाई भोसले उद्यान व प्राणिसंग्रहालयात दुर्मिळ प्रजातीची झाडे असून त्यामुळेच याला वनस्पती शास्त्रीय उद्यान म्हणून ओळखले जाते.

मात्र, याठिकाणी प्राणिसंग्रहालयाला भेट देण्यासाठी मोठ्या प्रमाणात पर्यटक येत असतात. त्यामुळे झाडाची फांदी तुटून कोणताही अपघात होवू नये म्हणून झाडांच्या मृत फांद्यांची छाटणी करण्यात येत असते. पुढील दोन वर्षांसाठी महापालिकेने कंत्राटदाराची नेमणूक केली असून या झाडांच्या छाटणीवर तब्बल पावणेदोन कोटी रुपये खर्च केले जाणार आहे.

विशेष म्हणजे राणीबागेची मोनोपॉली कंत्राटदार असलेल्या कंपनीच्याच झोळीत हे काम दान म्हणून टाकण्यात आले आहे.

राणीबागेतील सुमारे दीडशे वर्षापपासून उद्यानात अस्तित्वात असलेल्या वृक्षांचे जतन आणि संवर्धन गरजेचे असल्याने पावसाळ्यात तसेच वादळवाऱ्यामुळे त्यांच्या फांद्या तुटून पडण्याचा धोका अधिक असतो.

त्यामुळे मृत व धोकादायक झाडे तसेच त्यांच्या फांद्या छाटण्यासाठी राणीबागेच्यावतीने २४ वर्षांच्या कालावधीसाठी कंत्राट कंपनीची निवड केली आहे. यासाठी जून महिन्यात मागवलेल्या निविदेमध्ये पाच कंपन्यांनी भाग घेतला होता. यामध्ये कमी बोली लावणाऱ्या डि.बी. इन्फाटेक कंपनीची निवड करण्यात आली आहे. एकूण १ कोटी ७७ लाख ६२ हजार रुपयांना हे कंत्राट देण्यात आले आहे.

परंतु राणीबागेतील मोजकीच झाडे मातीत घट्ट मुळ पकडून असतात. त्यामुळे ती उन्मळून पडण्याची शक्यता कमी असली तरी तरी त्यांच्या धोकादायक फांद्या तुटून पडण्याची शक्यताही तेवढीच असते. त्यामुळे येथील झाडांची योग्य प्रकारे निगा राखणे आवश्यक आहे. महापालिकेने अंदाजित ठरवलेला कामाचा खर्च आणि कंत्राटदार यामध्ये पात्र ठरला.

हा खर्च पाहता केवळ आणि केवळ संबंधित कंत्राटदाराला डोळयासमोर ठेवूनच हे काम निश्चित करण्यात आल्याची शंका काही अधिकाऱ्यांकडून व्यक्त होत आहे….⭕