Home Breaking News कल्याण-डोंबिवलीत आज कोरोनाच्या 38 रुग्णची वाढ तर चौघांचा मृत्यू !

कल्याण-डोंबिवलीत आज कोरोनाच्या 38 रुग्णची वाढ तर चौघांचा मृत्यू !

103
0

⭕ कल्याण-डोंबिवलीत आज कोरोनाच्या 38 रुग्णची वाढ तर चौघांचा मृत्यू ! ⭕
( विजय पवार ब्युरो चीफ युवा मराठा न्युज )

कल्याण : कल्याण-डोंबिवली क्षेत्रात कोरोनाचा प्रादुर्भाव वाढतच चालला आहे. गेल्या २४ तासात येथे ४ जणांचा मृत्यू झाला आहे. कल्याण डोंबिवली महानगर पालिका क्षेत्रात कोरोना बाधितांचा आकडा आता ८०४ वर पोहोचला आहे. आज कोरोनाच्या ३८ रुग्णची वाढ झाली आहे. तर आतापर्यंत २७२ रुग्णांना डिस्चार्ज मिळाला आहे. कल्याण-डोंबिवलीत कोरोनाच्या रुग्णांची संख्या रोज वाढत आहे. त्यामुळे येथे चिंता वाढत चालल्या आहेत.

कल्याण डोंबिवली मध्ये आतापर्यंत कोरोनामुळे २२ जणांचा मृत्यू झाला आहे. मुंबई, ठाणे, उल्हासनगर अशा आजुबाजुच्या शहरांमध्ये ही कोरोनाचा प्रादुर्भाव वाढत आहे. कल्याणमध्ये ७, डोंबिवलीमध्ये १४ तर टिटवाळा – आंबिवली भागात १७ रुग्णांची आज वाढ झाली आहे.

दरम्यान आज कल्याण डोंबिवलीतील कोरोनाच्या वाढत्या प्रादुर्भावाच्या पार्श्वभूमीवर भाजप आणि मनसेच्या नेत्यांनी महापालिका आयुक्तांची भेट घेतली. महात्मा ज्योतिबा फुले योजनेअंतर्गत मोफत उपचार, रुग्णवाहिका सेवा, विनाविलंब उपचारासाठी खासगी रुग्णालये ताब्यात घेण्याबाबत अनेक मुद्द्यांवर चर्चा करण्यात आली.

महापालिकेतर्फे कोरोनाचा प्रादुर्भाव रोखण्यासाठी प्रयत्न सुरू असले तरी कोरोनाचा वाढता आकडा काही केल्या कमी होण्याची चिन्ह दिसत नाहीत.

Previous articleयोगी आदित्यनाथ,”लक्षात ठेवा ..”राज ठाकरे यांनी दिला थेट इशारा!
Next articleकोरोना उपचारांसाठी मुंबईत जम्बो सुविधांची निर्मिती
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here