आशाताई बच्छाव
संपादकीय …..
पुरोगामी महाराष्ट्राला झाले तरी काय? तर “या” नराधमांचा चौरंगा करा!!
वाचकहो,
अगदी अलिकडच्या काही दिवसांत घडणाऱ्या घटना बघितल्या तर डोकं अक्षरशः सुन्न व्हायची वेळ येऊन ठेपली आहे.छत्रपती शिवाजी महाराजांच्या पावन पदस्पर्शाने पुनीत झालेल्या या महाराष्ट्रात अगदी निरागस असलेल्या निरपराध निष्पाप कोवळ्या बालिकांवर नीच नराधम अन्वनीत अत्याचार करून त्यांचा बळी घेत असल्याच्या घटना पाहिल्यावर वाटायला लागते.हाच का तो आमचा पुरोगामी महाराष्ट्र.साधूसंताची शिकवण लाभलेल्या या महाराष्ट्रात सध्या वासनांध सैतानांनी थैमान घातले आहे.परनारी मातेसमान ही छत्रपती शिवाजी महाराजांची शिकवण या महाराष्ट्रात साफ धुळीस लावण्याचे महापाप या वासनांध सैतानांनी ठिकठिकाणी केल्यामुळे शरमेने मान खाली घालण्याची वेळ या सुसंस्कृत महाराष्ट्र राज्यात निर्माण होत चालली आहे.ज्या छत्रपती शिवाजी महाराजांनी रांझ्याच्या पाटलांचे हातपाय तोडून त्यांचा चौरंगा केला होता अगदी तशाच न्यायाची अपेक्षा आता सगळेच करीत आहेत.म्हणजे असे कुणाच्या लेकीबाळीचे आयुष्य नासवून त्यांचेवर अत्याचार करण्याचे धाडस निदान कुणी करणार तरी नाही.आपल्या येथील कायद्यात असलेली शिथीलता व पळवाटा शोधून हे नराधम वारंवार स्त्रीयांवर अत्याचार करीत असतात.कोपर्डीच्या घटनेतील नराधम गुन्हेगार आजही शासकीय पाहुणचारावर जगत आहेत.मग कसली आली भिती! वास्तविक संताच्याच भाषेत सांगावयाचे झाले तर “तुका म्हणे ऐसा नरा,मोजूनही माराव्या पैजारा” खरं तर महिलांनी आता आपले संरक्षण करण्यासाठी स्वतः च सरसावले पाहिजे त्याशिवाय या अशा हैवानांना लगाम बसणार नाही.आम्ही सलाम करतो त्या उत्तरप्रदेशातील फुलनदेवीला स्वतः वरील बलात्काराचा स्वतः च निकाल लावला.बलात्कार करणा-या सातही नराधमांना रांगेत उभे करुन त्यांचा खातमा केला.तर याच कलियुगात वारणेच्या खो-यात व कृष्णा नदीच्या काठावर नावलौकिक करून गेलेल्या बापू बिरू वाटेगावकर यांच्या नावाची करामत आजही पश्चिम महाराष्ट्रात मोठ्या गौरवाने सांगितली जाते.कोणत्याही महिलेकडे वाईट बघून तिची छेड काढणाऱ्या किंवा अत्याचार करणाऱ्यास बापूचा कायदा जागीच धडा शिकवून त्याला जन्माची अद्दल घडवीत होता.आज गरज आहे, आपल्या मायमाऊलींचे व लेकीबाळीचे संरक्षण करण्यासाठी गावागावात एक तरी बापू जन्माला येण्याची तरच कुणी कुणाच्या आया बहिणी कडे वाईट बघणार नाही, अत्याचार करणार नाही अथवा छत्रपतीचे नाव घेऊन कुणाच्या मायमाऊलींच्या चारित्र्यावर शिंतोडे उडवणार नाही.तरच बदलापूर असो, अथवा कोल्हापूर अकोला किंवा नाशिक या घटनांना आळा बसेल व खरे अर्थाने महिला वर्ग छत्रपती शिवाजी महाराजांच्या राज्यात वावरत आहोत याचा अनुभव घेऊन खुल्या श्वासाने जगतील व हिंडू फिरु शकतील.एव्हढेच यानिमित्ताने!
राजेंद्र पाटील राऊत
मुख्य संपादक
