आशाताई बच्छाव
कला व वाणिज्य महाविद्यालय वरवट बकाल येथे प्राणिशास्त्र विभागात अभ्यास मंडळाची स्थापना.
ज्ञानेश्वर पाटील युवा मराठा न्यूज ब्युरो चीफ बुलढाणा:
सातपुडा शिक्षण संस्था जळगाव जामोद द्वारा संचालित कला व वाणिज्य महाविद्यालय वरवट बकाल येथे प्राणीशास्त्र विभागात दिनांक १६ऑगस्ट२०२५ रोजी या शैक्षणिक वर्षातील प्राणीशास्त्र अभ्यास मंडळाची स्थापना करण्यात आली. या निमीत्त महाविद्यालयाचे प्राचार्य डॉ. श्रीराम येरणकर हे कार्यक्रमाचे अध्यक्ष म्हणुन तर प्राणिशास्त्र विभागप्रमुख प्रा.डॉ.मेघा सोळंके व कार्यक्रमाचे आयोजक उपस्थित होते.अभ्यास मंडळाच्या उद्धाटनप्रसंगी वनस्पतीशास्त्र विभागप्रमुख प्रा.संतोष म्हसाळ, रसायनशास्त्र विभाग प्रमुख प्रा.नित्यानंद डहाके, प्रा.डॉ.नंदकिशोर मोरे हे प्रमुख अतिथी म्हणुन उपस्थित होते. प्राणिशास्त्र अभ्यास मंडळाच्या या उद्धाटन प्रसंगी प्रा.म्हसाळ, प्रा.डहाके व प्रा.डॉ.मोरे यांनी उपस्थित विद्यार्थ्यांना मार्गदर्शन केले. दरम्यान प्राणीशास्त्र अभ्यास मंडळातील सदस्यांचे नावे विभाजन करत त्यांच्या नावाची घोषणा विभागप्रमुख प्रा.डॉ.मेघा सोळंके यांनी केली. तसेच प्राणीशास्त्र अभ्यास मंडळातर्फे वर्षभर विविध कार्यक्रम राबवले जातील, विद्यार्थांनी आपला सहभाग नोंदवीला पाहीजे असे जाहिर केले. कार्यक्रमाचे संपुर्ण रुपरेषा प्राणीशास्त्र विभागामार्फत ठरविण्यात आली होती. यानिमीत्त डॉ.मेघा सोळंके, प्रा.डॉ.माधुरी हिंगणकर, प्रा.सोनाली तायडे. प्रा. सुशील देशमुख तसेच प्रा.नम्रता ढोरे व प्रा.जया जाधव यांनी कार्यक्रमाच्या यशस्वीतेसाठी प्रयत्न केले.
