आशाताई बच्छाव
महाराष्ट्र नवनिर्माण सेनेच्या वतीने शासकीय कार्यालयात ५०१ वृक्षांचे वितरण
वाशिम,(गोपाल तिवारी ब्युरो चीफ)- माजी गृहराज्यमंत्री तथा मनसे नेते बाळा नांदगावकर यांच्या वाढदिवसानिमित्त शुक्रवार, २१ जुन रोजी महाराष्ट्र नवनिर्माण सेना जिल्हा शाखेच्या वतीने शहरातील सर्व शासकीय कार्यालयांना ५०१ वृक्षांचे वितरण करण्यात आले.
हा समाजसेवी उपक्रम मनसे अध्यक्ष राज ठाकरे यांच्या आदेशानुसार, संपर्कप्रमुख विठ्ठल लोखंडकर यांच्या मार्गदर्शनात, जिल्हाध्यक्ष राजु किडसे यांच्या नेतृत्वात तथा शहराध्यक्ष रवि वानखडे, वाहतूक सेना जिल्हाध्यक्ष गजानन वैरागडे, मनसे कामगार सेनेचे राज्य कार्यकारणी सदस्य ओमप्रकाश फड, वाशिम मंगरुळनाथ जिल्हा संघटक गजानन कढणे, वाहतूक सेना चिटणीस शुभम चिपडे, सहचिटणीस देविदास जैताडे, अशोक इंगळे, विद्यार्थी सेना जिल्हा उपाध्यक्ष प्रविन घोडे, शुभम महाजन, गुणाजी घोंगडे यांच्या उपस्थितीत राबविण्यात आला. यावेळी जिल्हा पोलीस अधिक्षक अनुज तारे, जिल्हा उपअधिक्षक सुनिलकुमार पुजारी, जिल्हा परिषदेचे मुख्य कार्यकारी अधिकारी वाघमारे यांच्या कार्यालयात ५०१ बहुउपयोगी वृक्षाचे वितरण करण्यात आले. कार्यक्रमाला मनसे सैनिकांची बहूसंख्येने उपस्थिती होती.
