आशाताई बच्छाव
चाळीसगाव येथे समता सैनिक दल बौद्धिक प्रशिक्षण शिबिर संपन्न
चाळीसगाव प्रतिनिधी विजय पाटील- दिनांक 18 ऑगस्ट 2024 रोजी चाळीसगाव येथे समता सैनिक दलाचे एक दिवसीय बौद्धिक प्रशिक्षण शिबिर संपन्न झाले.
राज्य अध्यक्ष धर्मभुषण बागुल यांनी या प्रसंगी समता सैनिक दल , आंबेडकरी मिशन, राष्ट्रनायक डॉ.बाबासाहेब आंबेडकरांनी स्थापन केलेल्या आणि त्यांचे तत्त्वज्ञान ,उभी ठाकलेली आव्हाने आणि त्यावर करावयाचे उपाय याबाबत सविस्तर आणि मुद्देसूद मार्गदर्शन केले.
राज्य संघटक विजय निकम, जळगाव जिल्हाध्यक्ष किशोर डोंगरे पाचोरा यांनी मार्गदर्शन केले.
जळगाव, पाचोरा, भडगाव, धुळे येथील निवडक आणि फक्त प्रमुख 25 कार्यकर्त्यांना या शिबिरात निमंत्रित करण्यात आले होते.
सकाळी 9 ते सायंकाळी 6 या वेळेत हे शिबिर घेण्यात आले.
यावेळी सचिन गांगुर्डे – जळगाव जिल्हा सचिव, दिनेश ठाकूर – धुळे जिल्हा संपर्कप्रमुख, बाबा पगारे – चाळीसगाव तालुका सचिव यांची नियुक्ती करण्यात आली.
लवकरच धुळे आणि जळगाव येथे जिल्हास्तरीय बैठक व प्रशिक्षण शिबिर आयोजित करण्यात येईल असे राज्य अध्यक्ष धर्मभूषण बागुल यांनी जाहीर केले.
तालुकाध्यक्ष महेंद्र जाधव , तालुका सचिव बाबा पगारे, संपर्क प्रमुख बाजीराव घोडेस्वार, मुख्य शहर प्रचारक विशाल पगारे, तालुका संघटक विष्णू जाधव यांनी शिबिरासाठी परिश्रम घेतले.