आशाताई बच्छाव
वाशीम ( गोपाल तिवारी )
सोयाबीन मध्ये सात फूट लांब अजगर….. शेतकरी बांधवांनी खबरदारी घ्यावी….
वाशीम जिल्ह्यातील वनोजा येथील स्वप्नील रोकडे यांच्या शेतात त्यांना एक मोठा साप दिसून आला.त्यांनी तत्काळ संबधित माहिती एम एच २९ हेल्पिंग हॅण्ड वाईल्ड ऍडवेंचर अँड नेचर क्लब यवतमाळ शाखा वाशिम चे सदस्य शुभम हेकड यांना मिळताच ते तत्काळ आपले सहकारी करण जाधव व संघटनेचे अध्यक्ष आदित्य इंगोले यांच्या सह घटनास्थळी दाखल झाले.व पाहणी केली असता सोयाबीन मध्ये अंदाजे ७ फुट लांब अजगर बसलेला होता यावेळी सदर अजगराला मोठ्या शिताफीने संघटनेच्या सदस्यांनी पकडले.यांनतर सदर माहिती कारंजा – मंगरूळपीर वनपरीक्षेत्राचे वनाधिकारी मा.अमित शिंदे तसेच वनपाल सुदर्शन सोनवणे व वनरक्षक मनिष हुमने यांना दिली.यांनतर वनविभागाने रीतसर पंचनामा करून सदर अजगराला वनपरिक्षेत्र अधिकारी मा.अमित शिंदे यांच्या मार्गदर्शनाखाली वनोजा येथील प्रादेशिक जंगलामध्ये सोडून जीवदान दिले.४-५ दिवसांआधी सुद्धा मानोरा तालुक्यातील कारखेडा येथील शेतात सुद्धा १२ फुट लांबीचा अजगर निघाला होता.सद्ध्या शेतीचे कामे निंदन, कीटकनाशके फवारणी चे कामे जोरात सुरू आहे.त्यामुळे शेतकरी बांधवांनी तसेच मजुर वर्गांनी योग्य ती खबरदारी घ्यावी असे आवाहन एम एच २९ हेल्पिंग हॅण्ड वाईल्ड ऍडवेंचर अँड नेचर क्लब यवतमाळ शाखा वाशिम चे सदस्यांनी केले आहे.
