आशाताई बच्छाव
मोबाईल चोर चाळीसगाव शहर पोलिसांच्या ताब्यात
चाळीसगाव प्रतिनिधी विजय पाटील- शहरातील सिंधी कॉलनी, बसंती मिल मधील घरातून चोरट्याने चोरलेले 2 मोबाईल सह चोरट्यास चाळीसगाव शहर पोलीसांनी अटक केली असून त्याचेवर गुन्हा दाखल करण्यात आला आहे.
दिनांक 01/08/2024 रोजी फिर्यादी नामे शंकर अंबुमल वाधवा 53 कापड दुकान व्यावसायिक रा. सिंधी कॉलनी, बसंती मिल स्टेशन रोड चाळीसगाव यांच्या घरात 1/8/24 रोजी अज्ञात चोरट्याने घरात प्रवेश करुन 18,600/- रुपये किंमतीचे दोन मोबाईल फोन चोरी केल्याची घटना घडली होती चाळीसगाव शहर पोलीस स्टेशन येथे अज्ञात चोरट्यावर गु.र.नं. 345/2024 भारतीय न्याय संहीता कलम 305, 331 (3) प्रमाणे गुन्हा दाखल करण्यात आला होता.
वरिष्ठ अधिकारी यांच्या आदेशाने
पोलीस निरीक्षक संदीप पाटील यांचे मार्गदर्शनाखाली गुन्हे शोध पथकातील ASI विश्वास पाटील, हवालदार अजय पाटील, पोलिस नाईक दिपक पाटील, कॉन्स्टेबल अमोल भोसले, गणेश कुवर, अमोल पाटील हे पथक रवाना झाले होते. पोहेकॉ अजय पाटील व पोकॉ अमोल भोसले यांना गोपनीय बातमी मिळाली की चाळीसगाव शहर रेल्वे स्टेशन रेल्वे माल धक्का जवळ एक इसम हा दोन मोबाईल फोन हातात घेवुन संशयीत रित्या फिरत आहे.
अशी बातमी मिळाल्यावर पथकाने त्याठिकाणी जावून पाहिले असता एक संशयीत इसम मिळून आला त्यास जागीच पकडले त्याची चौकशी करता त्याने त्याचे नाव तुफेल रजा मेमन वय 23 वर्षे रा. गफ्फार चाळ, कसाईवाडा, कुर्ला, मुंबई असे सांगितले व त्याचे जवळील दोन मोबाईल फोनचे मालकी बाबत चौकशी करता त्यांनी उडवाउडवीची उत्तरे दिली त्याचे ताब्यातील दोन मोबाईल फोन हे चोरीचे असल्याची खात्री झाली असता त्यास पोलीस स्टेशनला आणुन सखोल चौकशी करता त्याने गुन्हा केल्याची कबुली दिली. त्यास गुन्ह्यात अटक करण्यात आले असुन पुढील तपास पोहेकॉ अजय पाटील, पो. कॉ अमोल भोसले हे करीत आहेत.
