आशाताई बच्छाव
बुलढाणा :- वैनगंगा – नळगंगा नदीजोड प्रकल्पास मंजुरी !
युवा मराठा न्यूज संजय पन्हाळकर बुलढाणा जिल्हा ब्युरो चीफ
बुलढाणा :-संपूर्ण विदर्भाचे सिंचन करू शकणाऱ्या वैनगंगा ते नळगंगा नदीजोडणी या महत्त्वाकांक्षी योजनेला शासनाची मंजुरी मिळाली आहे त्यामुळे या प्रकल्पाचा केवळ एका जिल्ह्यालाची नव्हे तर विदर्भासाठीच जीवनदायी ठरणार आहे. वैनगंगा-नळगंगा
नदीजोड प्रकल्पाला तातडीने मंजुरी देण्यात यावी, अशी विनंती करण्यासाठी ९ जुलै रोजी महाराष्ट्र राज्याचे उपमुख्यमंत्री देवेंद्र फडणवीस हे राज्यपाल रमेश बैस यांची भेट घेतली व त्याला आज दि. १० जुलै रोजी राज्यपालांनी तत्वतः मान्यता दिलेली आहे. त्यामुळे सुमारे ८०,००० कोटींच्या या प्रकल्पातून विदर्भातील सिंचनाचे चित्र पालटणार आहे. वैनगंगा-नळगंगा नदी जोड प्रकल्प विदर्भातील 6 जिल्ह्यातून जाणार असून 15 तालुक्यांना त्याचा लाभ होणार आहे. 426.542 किलोमीटर लांबीच्या कालव्या अंतर्गत 7 बोगदे असून यांची लांबी 13.83 किमी आहे तर काही ठिकाणी पाणी उचल पीडीएन व्दारे होणार असून, त्यांची लांबी 25.98 किमी व खुला कालवा हा 386.73 किमी असेल. या प्रकल्पात प्रत्यक्ष सिंचन 3 लाख 71 हजार 277 हे. असले तरी अप्रत्यक्ष सिंचन हे 5 लाख हेक्टरच्या वर पोहचणार आहे.