आशाताई बच्छाव
विधायक उपक्रम आश्रमासह विद्यार्थिनींना दिला खाऊ, गणवेश, पुस्तके, औषधे ‘आनंदवन’ची ‘कृष्णाई’स साहित्य भेट
नेवासे (कारभारी गव्हाणे तालुका प्रतिनिधी.) तालुक्यातील सोनई येथील पसायदान-आनंदवन सेवाभावी संस्थेच्या वतीने कावड (ता. राहुरी) येथील कृष्णाई गुरुकुल वारकरी शिक्षण संस्थेतील ७० मुलींसह आश्रमास विविध प्रकारचे आवश्यक साहित्य भेट देण्यात आले. आषाढी एकादशीच्या पर्वकाळात लहान मुलींमध्ये लक्ष्मीचे रूप आणि कार्यात माऊलीची सेवा पाहून राबविण्यात आलेल्या या आध्यात्मिक उपक्रमाचे परिसरात कौतुक होत आहे.
कृष्णाई संस्थेचे प्रमुख गणेश महाराज नवले यांनी मुलीच्या शैक्षणिक व आध्यात्मिक कार्याची माहिती दिली. आर्ट ऑफ लिव्हिंगचे आंतरराष्ट्रीय प्रशिक्षक प्रशांत लालचंदानी यांनी घेतलेल्या सत्संगात मुलींना ध्यान व योग-प्राणायामाचे महत्त्व सांगितले, सोनई केंद्राचे प्रमुख अॅड. सुनील गडाख व संत निरंकारी परिवाराचे
विठ्ठल महाराज खाडे यांची शुभेच्छापर भाषणे झाली.
यावेळी आनंदवन संस्थेचे सचिव संजय गर्ने म्हणाले, की ही मदत नसून, कर्तव्य आहे. उपाध्यक्ष विनायक दरंदले, किशोर घावटे, डॉ. तुषार दराडे, कृष्णा सुद्रिक, अरुण घावटे, मंदीप घोलप, सच्चिदानंद कुरकुटे, अमित बंग उपस्थित होते. संस्थेचे खजिनदार रमेश घुगरकर यांनी आभार मानले.