आशाताई बच्छाव
साखरपुडा कार्यक्रम मधून पर्स लंपास
मोबाईलसह रोकडची चोरी
चाळीसगाव प्रतिनिधी विजय पाटील- साखरपुडा कार्यक्रमात फोटो काढण्यासाठी पर्स बाजुला सोप्यावर ठेवलेली पर्स चोरी गेल्याचा प्रकार करगाव शिवारातील रिसोर्टमध्ये घडला आहे. या पर्समधून दोन मोबाईल आणि रोख 45 हजार रूपये असा एकूण 67 हजाराचा ऐवज चोरीस गेला आहे. याप्रकरणी चाळीसगाव ग्रामीण पोलीस ठाण्यात अज्ञात चोरट्याच्या विरोधात गुन्हा दाखल करण्यात आला आहे.
सागर दिलीप पाटील रा. शास्त्रीनगर, चाळीसगाव यांच्याकडे दि.7 रोजी साखरपुड्याचा कार्यक्रम धुळे रोडवरील फेस्टीहोटेल रिसॉर्ट येथे आयोजीत करण्यात आला होता. त्यावेळी नवरा मुलगा व नवरी मुलगी यांचा फोटोशुटचा कार्यक्रम सुरू असतांना नवरा मुलाच्या आईने आपली पर्स(त्यात 22 हजार रूपये किंमतीचे दोन मोबाईल व रोख 45 हजार रूपये होते)त्यांच्या सोबत आलेल्या पाचोरा येथील महिलेच्या हातात दिली व त्या फोटो काढण्यासाठी स्टेजवर गेल्या. थोड्या वेळाने पाचोरा येथील त्या महिलेने पर्स सोप्यावर ठेवून फोटो काढण्यासाठी स्टेजवर गेल्या. दोघीजण फोटो काढून पर्स ठेवलेल्या सोेप्याजवळ आल्या असता त्याठिकाणी पर्स आढळून आली नाही.पर्स गायब झाल्याचे कळताच उपस्थितांनी पर्सचा शोध घेतला परंतू पर्स मिळून आली नाही.
कोणीतरी ही पर्स लंपास केल्याचे समोर आले. या प्रकरणी सागर पाटील यंाच्या फिर्यादीवरून अज्ञात व्यक्तीच्या विरोधात चाळीसगाव ग्रामीण पोलीस स्टेशनला कलम 303(2) प्रमाणे गुन्हा दाखल करण्यात आला आहे. तपास पोलीस करीत आहेत.
