आशाताई बच्छाव
बोंड्ये गावच्या विकासासाठी कटीबद्ध- आमदार शेखर निकम; ग्रामस्थांनी मानले आमदार शेखर निकम यांचे आभार
देवरूख– संगमेश्वर तालुक्यातील बोंड्ये गावात आमदार शेखर निकम यांनी आपल्या विकास फंडातून उपलब्ध करून दिलेल्या निधीतून तयार करण्यात आलेल्या रस्त्यांचे उद्‍घाटन आमदार शेखर निकम यांच्याहस्ते काल गुरूवारी ग्रामस्थांच्या उपस्थितीत करण्यात आले.
बोंड्ये गावातील अनेक वर्षे प्रलंबीत विकासकामांची व रस्त्यांची समस्या आमदार शेखर निकम यांनी सोडवल्याबद्दल ग्रामस्थांनी त्यांचे आभार मानले. यापुढेही बोंड्ये गावातील विकासासाठी आपण प्रयत्नशिल राहून अधिकाधिक विकासात्मक कामे करण्यासाठी आपण कटिबद्ध राहू, असे आश्वासन आमदार निकम यांनी ग्रामस्थांना दिले. यावेळी माजी नगरसेवक प्रफुल्ल भुवड, राष्ट्रवादी ग्रंथालय सेलचे जिल्हाध्यक्ष मंगेश बांडागळे, राष्ट्रवादीचे युवक तालुका उपाध्यक्ष नितिन भोसले, राष्ट्रवादीचे तालुका उपाध्यक्ष हुसेन बोबडे, संजय कदम, अनंत जाधव, माजी सरपंच ललीता गुडेकर, श्रीम. गुरव, संतोष चव्हाण, साईनाथ पांचाळ, विष्णू गुडेकर, भिवाबा गुरव, संदिप गुरव व ग्रामस्थ उपस्थित होते.
