राजेंद्र पाटील राऊत
पिंपळगाव बसवंत येथे अल्पवयीन मुलाची आत्महत्या
सागर कटाळे युवा मराठा न्युज नेटवर्क चॅनेल नाशिक ब्युरो चीफ पिंपळगाव बसवंत येथील पिंपळगाव हायस्कूलच्या मागील बाजूस पियुष सुनील गायकवाड (वय १६) या अल्पवयीन मुलाने गळफास घेऊन आत्महत्या केल्याची घटना उघड झाली. या घटनेने संपूर्ण शहरात खळबळ उडाली आहे. याबाबत पिंपळगाव पोलीस ठाण्यात अकस्मात मृत्यूची नोंद करण्यात आली आहे. पिंपळगाव पोलिसांनी दिलेल्या माहितीनुसार, शहरातील पिंपळगाव हायस्कुल मागील बाजूस असलेल्या कंम्पाऊडला कोळीवाडा येथील रहिवाशी पियुष सुनील गायकवाड (वय १६) या अल्पवयीन मुलाचा मृतदेह गळफास घेतलेल्या स्थितीत आढळून आला. रविवारी (दि. २३) सकाळी ही घटना उघडकीस आली. याप्रकरणी पोलिसांनी अकस्मात मृत्यूची नोंद केली आहे. शवविच्छेदन करुन मृतदेह नातेवाईकांच्या ताब्यात देण्यात आला असून आत्महत्येचे कारण अद्यापही स्पष्ट झालेले नाही. याप्रकरणी पोलीस निरीक्षक भाऊसाहेब पटारे यांच्या मार्गदर्शनाखाली हवालदार रामदास गांगुर्डे तपास करीत आहेत.
