Home माझं गाव माझं गा-हाणं मालेगांव तालुक्यात रेशनचा काळाबाजार;ग्राहकांना रेशन देण्यास नकार

मालेगांव तालुक्यात रेशनचा काळाबाजार;ग्राहकांना रेशन देण्यास नकार

410
0

*मालेगांव तालुक्यात रेशनचा काळाबाजार;ग्राहकांना रेशन देण्यास नकार?*
*मालेगांव,(राजेंद्र पाटील राऊत युवा मराठा न्युज)-* कोरोना महामारी संकटाच्या पार्श्वभूमीवर महाराष्ट्र सरकारने एक अध्यादेश काढून रेशन दुकानदारांनी ज्या नागरिकांकडे रेशनकार्डच नाही अशाही व्यक्तीना प्रति माणसी पाच किलो मोफत तांदुळ व दाळ देण्याचे आदेश दिलेले असतानाही,मात्र त्या आदेशाला केराची टोपली दाखवत नाशिक जिल्ह्यातील मालेगाव तालुक्यात रेशन दुकानदारांची सर्रास मनमानी सुरु असून ग्राहकांची अडवणूक व पिळवणूक सुरु आहे.
याबाबतीत “युवा मराठा न्युज” कडे ग्राहकांनी थेट दुरध्वनीवरुन संपर्क साधत तालुक्यातील कुकाणे येथील अग्रवाल हे रेशन दुकानदार ग्राहकांना रेशन न देता”तुम्हांला कुठे जायचे,तेथे जा.आम्ही कुणालाच घाबरत नाही”अशा वल्गना करुन ग्राहकांची बोळवण करण्याचा सपाटा लावला आहे.असाच काहीसा प्रकार मालेगांव तालुक्याच्या बहुतांश भागात सुरु असून,आँनलाईन लिंकीग झालेले नसल्याचेही कारण दाखवून ग्राहकांची अडवणूक करुन राजरोसपणे काळाबाजार सुरु आहे.
तरीही या गंभीर प्रकाराकडे मालेगांवचे तहसीलदार राजपूत व पुरवठा निरीक्षक सोवणे यांचे साफ दुर्लक्ष झाल्याचेच चित्र दिसून येत आहे.त्यामुळे मालेगांव तालुक्यात शासन आदेशाचे तीन तेरा नऊ बारा वाजून शासनाच्या निर्णयाला हरताळच फासण्याचे काम तालुक्यात रेशन दुकानदारांकडून सुरु आहे.त्यामुळे लवकरच “युवा मराठा न्युज”च्या माध्यमातून महाराष्ट्राचे अन्न व नागरी पुरवठामंत्री छगन भुजबळ यांचेकडे जनहितार्थ तक्रार दाखल करण्यात येणार आहे.त्याशिवाय ज्या ग्राहकांची रेशन दुकानदारांकडून अडवणूक होत असेल त्यांनी 99233362030 या क्रमांकावर संपर्क साधावा असे आवाहन करण्यात येत आहे.

Previous articleअजिंक्‍य घुले यांचे ह्‌दयविकाराच्या धक्‍क्‍याने निधन
Next articleशाळा सुरू करण्यासंदर्भात मुख्यमंत्री उद्धव ठाकरेंचं वक्तव्य
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here