Home नांदेड देगलूरच्या करडखेड भागात अवैध धंदे तेजीत,पोलिसांची मिलीभगत

देगलूरच्या करडखेड भागात अवैध धंदे तेजीत,पोलिसांची मिलीभगत

98
0

*देगलूरच्या करडखेड भागात अवैध धंदे तेजीत,पोलिसांची मिलीभगत* देगलूर (संजय कोंकेवार प्रतिनिधी युवा मराठा न्युज)-नांदेड जिल्ह्यातल्या देगलूर तालुक्यातील करडखेड गावामध्ये अवैध धंद्यांना ऊत आला असून ,येथील पोलिस चौकीचे बीट जमादार सर्वांचे हप्ते घेऊन डोळे असून आंधळ्याची भूमिका बजावतात .हे गाव तेलंगाना, कर्नाटक ,महाराष्ट्र ,अशा तीन सीमेवर असून या गावची लोकसंख्या जवळपास सहा हजारच्या वर आहे .येथे तेलंगणातील स्वस्त दारू आणून बरेच बिनदास्त विकत असतात आणि कर्नाटकमध्ये गुटखा चालू असल्यामुळे तेथून रोज ऑटो गाड्यांनी आणून येथून जवळपास बावीस खेड्यांना सप्लाय करत असतात .या गावातील तरुण पिढी व्यसनाच्या आहारी जाऊन व्यसनाधिन होत आहेत. पहिलेच संपूर्ण महाराष्ट्र कोरोनाच्या विळख्यात असून त्यात तरुण पिढीला व गोरगरिबांच्या हाताला काम नसून त्यांचे संसार उघड्यावर येण्याच्या मार्गावर आहेत गावातील जनतेच म्हणणे असे आहे की,आतापर्यंत बरेच येथे जमादार येऊन गेले पण एवढे धंदे पहिल्यांदाच पाहावयास मिळत आहेत .हे अधिकारी फक्त “तुम्ही जगा व मला जगवा “हे मंत्र अवलंबिले आहे .यांना तरुण पिढीचे व गोरगरिबांचे काहीच देणे घेणे नसून ,आपली स्वतःची झोळी भरण्याचा मार्ग अवलंबिले आहेत. या अशा अधिकाऱ्यांची लवकरात लवकर येथून बदली करून एक सक्षम अधिकारी देण्यात यावा अशी गावकऱ्यांची मागणी आहे येथे बनावट शिंदी ची बरीच दुकाने असून त्या शिंदीचे रिकामी झालेले(पिशवी) कॅरीबॅग बिंदास गावाभोवती रोडच्या कडेला टाकत असून ही कॅरीबॅग जर मुक्या जनावरांनी खाल्ली तर त्यांच्या जीवाला धोका निर्माण होऊ शकतो. याला जबाबदार कोण?असा प्रश्न जनतेमध्ये निर्माण होतआहे .जर बाहेरून आलेला एखादा नवीन माणूस जर गावात येत असेल ,तर त्यांना गावांमध्ये काय काय भेटते हे सांगण्याची गरज पडत नाही. येथे बनावट सिंधी, तेलंगणातील दारू, गावठी दारू, गुटखा ,मटका, जागोजागी पेट्रोल, अशी अनेक धंदे चालतात तरी हे सर्वच लवकरात लवकर बंद करण्यात यावी अशी गावातील जनतेची मागणी आहे

Previous articleफक्त दोनशे रुपयात करोनाची चाचणी! तासाभरात मिळणार रिपोर्ट
Next articleइचलकरंजीत सुभाष बाबर यांचे हदयविकाराने निधन* सुभाष बाबर यांचे काल रात्री ह्रदय विकाराच्या झटक्याने निधन झाले.
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here