आशाताई बच्छाव
गोसेखुर्द प्रकल्पग्रस्तांचे जिल्हाधिकारी कार्यालयासमोर आमरण सुरू
प्रेस संपादक व पत्रकार सेवा संघटनेचे राज्य सरचिटणीस संजीव भांबोरे यांनी घेतली भेट
उपोषण मंडपाला पोलीस सुरक्षा नाही
संजीव भांबोरे
भंडारा( जिल्हा प्रतिनिधी )आज दिनांक ३ आक्टोंबर 2024 ला रोज गुरुवार ला सकाळी 9 वाजता प्रेस संपादक व पत्रकार सेवा संघटनेचे राज्य सरचिटणीस संजीव भांबोरे यांनी गोसेखुर्द प्रकल्प संघर्ष समितीच्या वतीने सुरू असलेल्या उपोषण मंडपाला जिल्हाधिकारी कार्यालय समोर भंडारा येथे भेट देऊन तेथील प्रकल्पग्रस्तांच्या समस्या जाणून घेतल्या. प्रकल्पग्रस्तांच्या समस्या मागील पंचवीस वर्षांपासून त्या समस्याकडे शासन मुद्दाम दुर्लक्ष करीत आहेत. या प्रकल्पग्रस्तात बऱ्याच लोकांच्या जमिनी गेल्या, मकान गेले ,त्यांना शासनाने अल्प मोबदला देऊन त्यांना मोकळे केले. आज शासनाने त्यांना नोकरी सुद्धा दिलेले नाही. जे शेतकरी भूमिहीन झालेले आहेत त्यांना जमीन सुद्धा देण्यात आलेली नाही . वाढीव कुटुंबाचा 2.90 लाख मोबदला सुद्धा देण्यात आलेला नाही. जे प्रकल्पग्रस्त शासकीय नोकरी लागले होते त्यांना सुद्धा नोकरी काढण्यात आले. त्या उमेदवारांमध्ये मयुरी सुखदेवे, शिल्पा सुखदेवे, नितीन उईके, स्नेहा नागदेवे, भारती तांडेकर, प्रवीण धोटे,अशोक मारबते ,मंगेश धानेरे, सौरभ माटे ,दीपक भेदे ,कार्तिक भुते अमरदीप धनविजय ,कृष्णा बागडे, यांचा समावेश आहे. सदर जीआर हा 2015 ला निघाला होता .परंतु हा लागू 2024 लागू करण्यात आला. त्याचा फटका वरील प्रकल्पग्रस्त नोकरी लागलेल्या उमेदवारावर बसला हे शासनाची दडपशाही आहे. जे आमदार ,खासदार कोणताही संघर्ष न करता ज्या मतदारांनी त्यांना पाच वर्षाकरिता सेवेकरता निवडून दिले त्यांनी आपल्याकरता सर्व सोयीसुविधात लागून घेतल्या .परंतु जे प्रकल्पग्रस्त आहेत ज्यांच्या जमिनी गेल्या ,घरे गेले , ते आज नोकरीसाठी वणवण भटकत आहेत. त्यांनाच शासन न्यायापासून वंचित ठेवत आहे. ही लोकशाही की ठोकशाही? प्रकल्पग्रस्तांच्या प्रमुख मागण्यांमध्ये 2.90 लक्ष रुपयाचा लाभ घेतलेल्या प्रकल्प बाधितांचे नोकरी विषयी प्रमाणपत्र पडताळणी करून देण्यात यावे ,वाढीव कुटुंब 2. 90 लक्ष रुपये वाढीव कुटुंबातील पात्र व्यक्तीला तसेच बाधित प्रकल्पग्रस्त देण्यात यांना यावे ,तिसऱ्या टप्प्यातील उर्वरित गावांचे पुरांमुळे भरपूर नुकसान होत असल्याने तात्काळ पुनर्वसन करण्यात यावे. 75 टक्के शेतजमीन गेलेली आहे अशा गावांचे शासन निर्णयानुसार पुनर्वसन करण्यात यावे ,प्रकल्प बाधित बेरोजगारांना नोकरी उपलब्ध करून देण्यात यावे ,त्याचप्रमाणे भंडारा तालुक्यातील निमगाव गाव 75 टक्के हा गोसे खुर्द च्या बॅक वॉटर मुळे फटका बसतो त्या गावची 75 टक्के जमीन गोसेखुर्द धरणात गेलेली आहे. त्यामुळे त्या गावाचे सुद्धा पुनर्वसन करण्यात येऊन त्यांना गावठाण ची व्यवस्था करण्यात यावी. आमरण उपोषणाला गोसे खुर्दप्रकल्पग्रस्त समितीचे शासकीय समिती सदस्य भाऊ कातोरे ,दिलीप मडामे माझी सरपंच खमारी, सुनील भोपे तंटामुक्त अध्यक्ष टाकळी हे आमरण उपोषणाला बसले आहेत. शासनाने तात्काळ जिल्हा प्रशासनाने दखल घेऊन आमरण उपोषण सोडवावे व गोसेखुर्द प्रकल्पग्रस्तांना न्याय देण्यात यावा अशी मागणी सुद्धा प्रेस संपादक व पत्रकार सेवा संघटनेचे राज्य सरचिटणीस यांनी एका पत्रकाद्वारे केलेली आहे.
