आशाताई बच्छाव
बीड शहरात दारू ढोसून गाडी चालविणाऱ्या चालकांना खाकीचा दणका; पोलीस अधीक्षकांच्या कारवाईने दोन नंबरवाले धास्तावले
मोहन चव्हाण
ब्युरो चीफ बीड जिल्हा
बीड दि:१५ बीड जिल्हा पोलीस अधीक्षक अविनाश बारगळ यांनी शुक्रवारी (दि.१३) शहरातील २० बियर शॉप चालकांवर कारवाई केली असून १४ तास उलटत नाही तोच शनिवारी (दि.१४) बीड शहरामध्ये दारू पिऊन गाड्या चालविणाऱ्या १९ जणांवर कारवाया करण्यात आल्या आहेत. सलग दोन दिवसापासून बारगळ यांनी बीड शहरात केलेल्या कारवायांमुळे अवैद्य धंद्यासोबतच नियमांचे उल्लंघन करणाऱ्यांचे धाबे दणाणले आहेत. अप्पर पोलीस अधीक्षक सचिन पांडकर, वाहतूक शाखेचे प्रमुख सुभाष सानप, पोलीस निरीक्षक मारुती खेडकर, पोलीस निरीक्षक शिवाजी बंटेवाड, पोलीस निरीक्षक शितलकुमार बल्लाळ, पोलीस निरीक्षक अशोक मुदीराज यांचा या कारवाईत सहभाग होता. शुक्रवार रात्री बीड शहरातील २० बियर शॉपीवाल्यांकडून नियमांचे उल्लंघन होत असल्याची बाब पोलीस अधीक्षक अविनाश बारगळ यांना समजल्यानंतर त्यांनी स्वतंत्र टीम तयार करून एकाच वेळी छापा मारण्याचे आदेश दिले. त्यानंतर २० बियर शॉपिंग मधून मद्यपींना त्याच ठिकाणी दारू पिण्यासाठी सुविधा उपलब्ध करून देण्यात येत होती. त्यानुसार संबंधित चालकावर बीड शहर, शिवाजीनगर आणि पेठ बीड पोलीस ठाण्यात गुन्हे दाखल करण्यात आले. दरम्यान शुक्रवारी या कारवाया झाल्यानंतर शनिवारी रात्री दारू पिऊन वाहने चालवणाऱ्या १९ जणांवर एसपींकडून कारवायांचा बडगा उभारण्यात आला आहे. शहरातील छत्रपती शिवाजी महाराज चौक, नगर नाका, बार्शी नाका, महालक्ष्मी चौक,चरहाटा फाट्यावर पोलिसांनी सापळा रचून या कारवाया केल्या आहेत. दरम्यान मागच्या दोन दिवसात अविनाश बारगळ यांनी बीडमध्ये केलेल्या कारवाया जिल्ह्यात चर्चेचा भाग ठरल्या आहेत.
