आशाताई बच्छाव
बांग्लादेश व पश्चिम बंगाल अत्याचार प्रकरणी
हिंदुत्वादी संघटनेच्या मुखेड बंदला 100 टक्के प्रतिसाद.
मराठवाडा विभागीय संपादक मनोज बिरादार
मुखेड -बांग्लादेश मध्ये हिंदुवर अत्याचार करुन तेथील हिंदु महिला, हिंदु मंदीरे, हिंदु नागरीक व हिंदु व्यापायावर तेथील धर्मांध लोकांनी अत्याचार केला आहे. तसेच पश्चिम बंगाल मध्ये डॉक्टर युवतीववर नराधमाने बलात्कार करुन ठार केल्याप्रकरणी हिंदुत्वादी संघटनेच्या वतीने पुकारलेल्याा मुखेड बंदला
100 टक्के प्रतिसाद पाहायला मिळाला.
विश्व हिंदु परिषद, बजरंग दल व राष्ट्रीय स्वंयसेवक संघ व हिंदु संघटना तिव्रपणे निषेध व्यक्त करीत हिंदु अत्याचाराविरोधात व पश्चिम बंगाल बलात्कार घटनेच्या निषेधार्थ दि. 20 ऑगस्ट रोजी मुखेड बंदचे आवाहन केले होते. येथील व्यापा-यांनी व सर्व नागरीकांनी या बंद मध्ये उस्फुर्तपणे सहभाग नोंदविला आहे.
बांग्लादेश मध्ये हिंदुवर होत असलेला अत्याचार कमी करुन व केलेल्या अत्याचायांवर कडक कार्यवाही करण्यासाठी व पश्चिम बंगाल मध्ये डॉक्टर युवतीवर बलात्कार करुन अमानुषपणे हत्या करण्यात आली. अशा सर्व नराधामाला जलदगती कोर्टात सुनावणी करुन फाशी देण्याची मागणी यावेळी करण्यात आली.
यावेळी विश्व हिंदु परिषद, बजरंग दल व राष्ट्रीय स्वंयसेवक संघ व हिंदु संघटनेच्या वतीने शहरात सकाळी मोटारसायकल रॅली काढण्यात आली. व्यापा-यांनी अगोदर स्वयंस्फूर्तपणे अगोदरच आपली प्रतिष्ठाने बंद ठेवली होती. पोलिस निरीक्षक लक्ष्मण केंद्रे यांच्या मार्गदर्शनाखाली पोलिस उपनिरीक्षक रवि हुंडेकर, डिएसबीचे पांडुरंग पाळेकर, पोलिस पाटील माधव टाकळे यांनी बंदोबस्त ठेवला होता.
तहसिलदार राजेश जाधव यांना घटनेचा निषेध व्यक्त करीत निवेदन सादर करण्यात आले. यावेळी हजारो हिंदु बांधव उपस्थित होते.
