आशाताई बच्छाव
मेहकर मध्ये चालविले जात होते अवैध सोनोग्राफी सेंटर, पोलीस अधीक्षक यांनी छापा मारुन केली दोघांना अटक.
युवा मराठा न्यूज बुलढाणा जिल्हा ब्युरो चीफ संजय पन्हाळकर
बुलढाणा जिल्ह्यातील मेहकर येथे सुरू असलेल्या एका अवैध सोनाग्राफी सेंटरवर आरोग्य, पोलिस विभागाने संयुक्त कारवाई करत 5 ऑगस्ट रोजी दोघांना ताब्यात घेतले आहे. दरम्यान, या कारवाईमुळे अवैध सोनोग्राफी सेंटरचा गोरखधंदा समोर आला असून याचे धागेदोरे आता कुठपर्यंत पोहोचतात या बाबी तपासात उघड होतील. सविस्तर वृत्त असे की मेहकर शहरातील पवनसुत नगरमध्ये छापा टाकून ही कारवाई करण्यात आली.
मेहकर येथे एका भाड्याच्या जागेमध्ये हे अवैध सोनोग्राफी सेंटर सुरू होते. शनिवारी दुपारपासून ही कारवाई सुरू होती. या प्रकरणी किसन हरिभाऊ गरड (रा. करंजी, ता. रिसोड, जि. वाशीम) व गणेश शिवाजी सुलताने (गुंजखेड, ता लोणार, जि. बुलढाणा) या दोघांना ताब्यात घेतले.
