आशाताई बच्छाव
जिल्हा स्काऊट गाईड मेळाव्यामध्ये श्री छत्रपती शिवाजी प्रा. व माध्यमिक आश्रम माहोरा शाळेतील विद्यार्थ्यांना पारितोषिक
जाफराबाद जालना प्रतिनिधी – मुरलीधर डहाके
दिनांक 25/03/2025
माहोरा येथील श्री छत्रपती शिवाजी प्रा. व माध्यमिक आश्रम शाळा, यांनी दिनांक 22 आणि 23 मार्च रोजी जालना भारत स्काऊट गाईड कार्यालय तथा प्राथमिक व माध्यमिक शिक्षण विभाग जालना यांच्या संयुक्त विद्यमाने आयोजित जिल्हा स्काऊट गाईड मेळाव्या मध्ये सहभाग नोंदवून वेगवेगळ्या स्पर्धे मध्ये विविध पारितोषिक जिंकून शाळेचा नाव लौकिक वाढविला. हा मेळावा दिनांक 22 आणि 23 मार्च रोजी जि. प. प्रशाला मुलांची, स्टेशन रोड जालना येथे अत्यंत उत्साहात आणि जल्लोषात पार पडला. शाळेने बँड वादन स्पर्धे मध्ये द्वितीय तर पथ संचलन स्काऊट(मुले )आणि गाईड (मुली) दोन्ही संघांनी तृतीय क्रमांकाचे पारितोषिक मिळविले.तसेच शोभा यात्रे मध्ये सर्व महापुरुषांचे देखावे सादर करुन तृतीय क्रमांक मिळविला. समारोप तसेच पारितोषिक वितरणासाठी प्रमुख अतिथी म्हणून माजी आमदार मा. कैलास जी गोरंट्याल, तसेच गटशिक्षणाधिकारी भरत वानखेडे साहेब, जालना हॉस्पिटल चे प्रमुख डॉ. प्रदीप हुशे यांच्या हस्ते वितरित करण्यात आले,स्पर्धे मध्ये एकूण 24 विद्यार्थी सहभागी झाले होते.सहभागी विद्यार्थ्यांचे नेतृत्व तसेच मार्गदर्शन श्री व्ही. के. चंदनशिव आणि कु अनुसया हांडगे यांनी केले. या यशाबद्दल संस्थेचे अध्यक्ष मा. खा. श्री रावसाहेब पाटील दानवे(केंद्रीय राज्य मंत्री, भारत सरकार),संस्थेचे सचिव मा. आमदार श्री संतोष पाटील दानवे(अध्यक्ष पंचायत राज समिती म. रा.) संस्थेचे प्रशासकीय अधिकारी श्री संदीप साबळे ,शाळेचे मुख्याध्यापक श्री एस. एल. सिनगारे तसेच सर्व शिक्षक कर्मचारी यांनी सर्व विद्यार्थ्यांचे अभिनंदन केले तसेच शुभेच्छा दिल्या.
