आशाताई बच्छाव
अर्जुनराव खोतकर यांचा ग्रामीण आणि शहरी भागात डोअर टू डोअर प्रचार
जालना विधानसभा मतदार संघास पुन्हा विकासाच्या उंचीवर नेणार-खोतकर
जालना । प्रतिनिधी दिलीप बोंडे- महायुतीचे (शिवसेना) अधिकृत उमेदवार अर्जुनराव खोतकर यांनी ग्रामीण भागासह शहरी भागात सुध्दा डोअर टू डोअर जाऊन प्रचाराचा धडाका लावला आहे. त्यामुळे सहाजिकच विरोधकांच्या तंबूत घबराहट पसली असून आपण सत्तेवर नसतांनाही ग्रामीण तसेच शहरी भागाचा विकास केला आहे, तर विरोधक मात्र टक्केवारी घेण्यात मशगुल असल्याची टिका श्री. खोतकर यांनी केली आहे.
जालना विधानसभा-101 मतदार संघातील सोमनाथ, राममुर्ती, जळगांव, सो. जळगांव तांडा, मजरेवाडी, सिंधी काळेगांव, आदी गावांना तसेच शहरातील विविध प्रभागांना श्री. खोतकर यांनी भेटी दिल्या.
श्री. खोतकर यांनी भेटी दिल्या. यावेळी गावकर्‍यांनी त्यांचे फटाके वाजवून जोरदार स्वागत केले. यावेळी बोलतांना श्री. खोतकर म्हणाले की, गेल्या अनेक वर्षापासून आपण समाजकारण आणि राजकारण करीत आहोत, परंतू विरोधकांसारखे घाणेरडे राजकारण कधीच पाहिले नाही. ज्या- ज्या पदावर काम करण्याची संधी मिळाली ते काम अत्यंत प्रामाणिकपणे करण्याचा प्रयत्न करण्यात आला. वैयक्तीक आरोग्य बील कमी करण्यासंदर्भात किंवा अ‍ॅडमीशन संदर्भात तसेच शेतकर्‍यांचा पीक विमा मिळवून देण्यासाठी वेगवेगळ्या प्रकारची धरणे आंदोलन, मोर्चे, रास्ता राको अशा अनेक प्रकारचे आंदोलन उभा करुन न्याय मिळवुन देण्याचे काम केले आहे. कुडल्याही प्रकारची तक्रार असू द्या किंवा अडचण ती सोडवण्यासाठी आपण जनतेसाठी चोवीस तास उपलब्ध असतोत. अर्जुनराव खोतकर आणि त्यांच्या मित्र मंडळीनी डोअर टू डोअर जातांनाच वैयक्तीक भेटीवर भर दिला असल्याने त्यांचा विजय निश्चित मानण्यात येत आहे.
