आशाताई बच्छाव
रिपब्लिकन युवा सेनेच्या उत्तर
महाराष्ट्र अध्यक्षपदी इम्रान पटेल
श्रीरामपूर / प्रतिनिधी दिपक कदम:
श्रीरामपूर शहरातील उच्चशिक्षित आणी धडाडीचे युवा कार्यकर्ते इम्रान मुसा पटेल यांची आनंदराज आंबेडकर यांच्या रिपब्लिकन सेनेच्या उत्तर महाराष्ट्र युवा अध्यक्षपदी निवड करण्यात आली.
श्री.पटेल त्यांची पत्रकारिता क्षेत्रासह राजकीय जाण व जनसंपर्क ही जमेची बाजू लक्ष्यात घेऊन सरसेनापती आनंदराज आंबेडकर यांच्या आदेशान्वये रिपब्लिकन सेने चे महाराष्ट्र प्रदेशाध्यक्ष किरण घोंगडे यांच्या स्वाक्षरी ने सदर नियुक्ती पत्र त्यांना प्रदान करण्यात आले. सदर नियुक्तीसाठी रिपब्लिकन सेनेचे महाराष्ट्र प्रदेश सदस्य शशिकांत कांबळे यांनी शिफारस केली. सदर नियुक्ती पत्र पुणे येथे आयोजित जाहीर प्रवेश व नियुक्ती पत्र वाटप कार्यक्रमात इम्रान पटेल यांना देण्यात आले.
उत्तर महाराष्ट्र युवा अध्यक्ष पद स्वीकारतांना इम्रान पटेल यांनी वरिष्ठांचे आभार मानत भविष्यात रिपब्लिकन सेनेसाठी भरीव काम करून सरसेनापती आनंदराज आंबेडकर यांचे हात बळकट करण्याची हमी दिली.
त्यांच्या या निवडीबद्दल सामाजिक, शैक्षणिक, राजकिय, पत्रकारिता साहित्य आदि क्षेत्रातील अनेकांनी अभिनंदन केले आहे.
