आशाताई बच्छाव
पालोरा येथे डॉ .ओमप्रकाश गिर्हेपुंजे यांच्या ग्रीन व्हिलेज उपक्रमांतर्गत 100 झाडे लावून वृक्षारोपण कार्यक्रम संपन्न
भविष्यात 1000 झाडे लावण्याचा ग्रीन व्हिलेज चा उपक्रम
संजीव भांबोरे
भंडारा (जिल्हा प्रतिनिधी) पवनी तालुक्यातील पालोरा येथे आज दिनांक 3 ऑगस्ट 2024 ला डॉ. ओमप्रकाश गिर्हेपुंजे ग्रीन व्हिलेज उपक्रमांतर्गत पालोरा गावात विविध जातीची 100 झाडे लावून ठिकठिकाणी वृक्षारोपण कार्यक्रम घेण्यात आला . सध्याच्या वातावरणात फार बदल होत आहेत. यावर्षी आपल्या देशातील व जगात सुद्धा वातावरण फार उष्णतेचे होते. जिकडे तिकडे जास्त वापरण्यात येत असलेल्या एसी व कमी होत असलेली झाडे यामुळे हवेतील गारवा कमी होत आहे. त्या अनुषंगाने आपण एक सामाजिक व पर्यावरण बदल असलेले दायित्व म्हणून भरपूर झाडे लावून त्याचे संगोपन करायला पाहिजे. गावातील नागरिक म्हणून आपण आपल्या गावात झाडे लावा झाडे जगवा या उपक्रमांतर्गत हरित पालोरा ग्रीन पालोरा व्हायला पाहिजे .त्याकरिता इच्छुक गावातील नागरिकांनी व संस्थांनी या उपक्रमात सहभागी व्हावे. ज्यांना वृक्ष मित्र म्हणून सहभाग व्हायचं असेल त्यांनी आपली नावे द्यावीत असे आवाहन पालोरा येथील माजी सरपंच अनिता गिर्हेपुंजे यांनी केलेले आहे. भविष्यात 1000 झाडे गावात लावण्याचा त्यांचा मानस असून या ग्रीन व्हिलेज उपक्रमाला गावातील सर्व नागरिकांनी सहकार्य करावे असे आवाहन सुद्धा करण्यात आलेले आहे.