आशाताई बच्छाव
संस्कार इंटरनॅशनल स्कूल शिरजगाव कसबा तर्फे वारकरी दिंडी व पालखी सोहळ्याचे आयोजन – मयुर खापरे चांदुर बाजार प्रतिनिधी . .
सातपुडा पर्वताच्या पायथ्याशी व मेधा नदीच्या काठावर वसलेल्या तसेच संस्कृतीची देण असलेल्या शिरसगाव कसबा नगरीत आज आषाढी एकादशीनिमित्त संस्कार इंटरनॅशनल स्कूल शिरजगाव कसबा तर्फे वारकरी दिंडी व पालखी सोहळ्याचे आयोजन करण्यात आले होते.
संस्कृती व संस्काराची जोपासणा करत आषाढी एकादशीचे औचित्य साधून संस्कार इंटरनॅशनल स्कूलच्या मुख्याध्यापिका प्रतीक्षा निमकर यांनी शाळेतर्फे वारकरी दिंडी व पालखीच्या सोहळ्याचे आयोजन केले होते. विद्यार्थ्यांचा सर्वांगीण विकास होण्यासाठी या शाळे तर्फे दरवर्षी विविध उपक्रम राबविले जातात. शाळेतील शिक्षक वृंद विद्यार्थ्यांना शिक्षणासोबत सर्व गुणसंपन्न बनविण्यासाठी नेहमी प्रयत्नशील असतात.
संस्कार इंटरनॅशनल स्कूल त्यांचा शैक्षणिक उच्च प्रतीचा दर्जा कायम ठेवून विविध उपक्रम राबवत असल्याने तेथील विद्यार्थी आवडीने ज्ञान संपादन करून नावलौकिक मिळवतात.
वारकरी दिंडी व पालखीचा सोहळा पाहून गावातील नागरिकांना ते पंढरपुरात असल्याचा भास झाला. वारकरी दिंडी व पालखी सोहळ्याच्या टाळ मृदंगाच्या नादामध्ये गावात संपूर्ण भक्तीमय वातावरण तयार झालेले आहे. वारकरी दिंडीमध्ये विद्यार्थ्यांनी टाळ, मृदुंग व ढोलकी वाजून विठ्ठल रुक्माई चे दर्शन घेतले.
गावकऱ्यांनी वारकरी दिंडी मधील विठ्ठल रुक्माई चे पूजन करून साक्षात दर्शनाचा लाभ घेतला. सदर सोहळा पाहण्यासाठी गावकऱ्यांनी खूप गर्दी केली होती. साक्षात पांडुरंग शिरजगाव कसबा नगरीत अवतरल्याची अनुभूती करून नागरिकांनी साष्टांग नमस्कार केला. या सोहळ्यात शाळेतील बालगोपाल उत्साहाने सहभागी झाल्याने गावात पंढरी अवतरल्याचे दिसून येत होते. पालखीमध्ये भगवे झेंडे घेऊन निघालेल्या पायदळ वारकरी विद्यार्थ्यांनी टाळ, मृदुंग, हरी विठ्ठल नामाच्या गजराने परिसर दणाणून सोडला. वारकरी दिंडी व पालखी सोहळ्याचे यशस्वीतेसाठी शाळेच्या मुख्याध्यापिका प्रतीक्षा निमकर व शिक्षक वृंद- वर्षा लाडोळे, नम्रता कांडलकर, शुभांगी लाड, दिपाली चोरपगार, माधुरी बेहेरे, समीक्षा गाडगे, आचल सोनार, रेशमा टाकरखेडे, शेवंती सुने, आरती केदार, हर्षा निमकर, श्रद्धा निमकर तसेच कर्मचारी वृंद – छायाताई होले, कल्पना दाभाडे, शंकरराव पायघन व लक्ष्मी सावरकर यांनी मदत केली.
