आशाताई बच्छाव
जाफराबाद तहसील कार्यालयातील महसूल कर्मचारी संपावर तालुक्यातील नागरिकांचे हाल
जाफराबाद तालुका प्रतिनिधी-मुरलीधर डहाके दिनांक15/07/2024
सविस्तर वृत्त असे की, जाफराबाद येथील तहसील कार्यालय महसूल कर्मचारी अचानक संपावर गेले असता नागरिकांचे मोठ्या प्रमाणावर हाल होत आहेत. महाराष्ट्र राज्य महसूल कर्मचारी संघटना यांनी पुकारलेल्या या आंदोलनामुळे नागरिकांचे मोठ्या प्रमाणावर हाल होताना दिसून येत आहे. महसूल कर्मचाऱ्यांच्या प्रमुख मागण्याकडे शासनाने त्वरित लक्ष देऊन नागरिकांची होत असलेली अवहेलना थांबवावी. महसूल कर्मचारी संघटना बेमुदत काम बंद आंदोलन करणार असून त्यांच्या प्रमुख मागण्या, १) महसूल विभागाचा सुधारित आकृतीबंध दांगट समितीच्या अहवालातील शिफारशीनुसार कोणत्याही संवर्गातील कर्मचारी यांची कपात न करता लागू करण्यात यावा.२) अव्वल कारकून मंडळ अधिकारी संवर्गातून तात्काळ पदोन्नती देऊन आदेश निर्गमित करण्यात यावेत.३) महसूल विभागाच्या आकृतीबंध तात्काळ मंजूर करून पुरवठा विभागातील पद भरतीमुळे रिक्त होणारे महसूल कर्मचारी यांना महसूल विभागात सामावून घेण्यात यावे.४) वेतन देयके उणे प्राधिकर पत्रावर काढण्याबाबत तात्काळ शासन निर्णय निर्गमित करण्यात यावा.५) महसूल साहेबाचा ग्रेड पे १९००वरून २४०० करण्यात यावा.६) महसूल साहेब व तलाठी यांना सेवा अंतर्गत एकसमान परीक्षा पद्धती लागू करण्यात याव्यात.७) महाराष्ट्र शासन वित्त विभाग यांची अधिसूचना दिनांक ०३०२-२०२३ नुसार तात्काळ अव्वल कारकून यांची वेतन निश्चित करण्यात यावी.९) महसूल विभागातील अधिकारी कर्मचारी यांच्या सेवा पुस्तिका लेखा अधिकारी वेतन पडताळणी पथका ऐवजी समक्ष असलेल्या महसूल विभागातील नियुक्त लेखाधिकारी यांचे वेतन पडताळणीचे अधिकारी मार्फत करण्यात यावी.१०) अव्वल कारकून या संवर्गाचे पदनाम बदलून सहाय्यक महसूल अधिकारी असे करण्यात यावे.११) नायब तहसीलदार संवर्गाचे ग्रेड वेतन ४८०० करण्यात यावा.१२) अवल कारकून यांना मंडळ अधिकारी पदावर अदलाबदली धोरणास नुसार पदस्थापना देण्यात यावी.१३) नायब तहसीलदार पदासाठी अवलकारकून मंडळ अधिकारी यांचे करिता पदोन्नती विभागीय परीक्षा सरळ सेवा याबाबतचे प्रमाणे ७०.१०.२० असे करण्यात यावे .१४) चतुर्थ श्रेणी शिपाई कर्मचाऱ्यांना पदोन्नती देत असताना तलाठी संवर्गामध्ये २५% पदोन्नती देण्यात यावी.१५) कोतवाल पदांना चतुर्थ श्रेणी दर्जा देण्यात यावा व कोतवालांना कोटा पदोन्नती वाढविण्यात यावा. महसूल कर्मचारी यांच्या मागण्या लवकरात लवकर पूर्ण कराव्यात जेणेकरून नागरिकांची कोणत्याही प्रकारची गैरसोय होणार नाही.
