आशाताई बच्छाव
मुक्रमाबाद येथे ग्रामस्वच्छता जनजागरण रॅली
मुखेड युवा मराठा न्युज नेटवर्क बस्वराज स्वामी वंटगिरे मुक्रमाबाद
मुखेड तालुक्यातील मुक्रमाबाद येथील स्वामी विवेकानंद महाविद्यालयातील राष्ट्रीय सेवा योजना विभागाच्या वतीने २४ सप्टेंबर हा दिवस राष्ट्रीय सेवा योजना दिन तसेच स्वच्छता ही सेवा उपक्रमांतर्गत महाविद्यालयाच्या मुख्य गेट पासून ते गावातील मुख्य रस्त्याने ग्राम स्वच्छता जनजागरण रॅलीचे आयोजन करण्यात आले होते. या कार्यक्रमास महाविद्यालयातील स्वयंसेवक-स्वयंसेविका विद्यार्थ्यांनी महाविद्यालय परिसराची स्वच्छता केली. आणि नंतर ग्राम स्वच्छता जनजागरण रॅलीमध्ये सहभागी झाले. यावेळी राष्ट्रीय सेवा योजना विभागाचे कार्यक्रमाधिकारी डॉ.मा.म.गायकवाड, सहाय्यक कार्यक्रमाधिकारी डॉ आर.बी. मादळे, राष्ट्रीय सेवा योजनेचे माजी कार्यक्रमाधिकारी डॉ जे. पी.काळे, डॉ बालाजी खराबे, डॉ गणी शेख , प्रा आर. एस. ढोकाडे, डॉ रमाकांत बिडवे , यांची विचारपीठावर उपस्थिती होती. सर्वप्रथम सभागृहात डॉ प्राचार्य डॉ विवेक इनामदार सर यांच्या अध्यक्षतेखाली महात्मा गांधी व स्वामी रामानंद तीर्थ यांच्या प्रतिमेचे पूजन केले. या कार्यक्रमाचे प्रमुख पाहुणे छत्रपती शिवाजी कनिष्ठ महाविद्यालयाचे प्राचार्य श्री मुकुंदराज जाधव तर प्रमुख वक्ते स्वामी विवेकानंद महाविद्यालयातील राष्ट्रीय सेवा योजनेचे माजी कार्यक्रमाधिकारी तथा राज्यशास्त्र विभाग प्रमुख डॉ एस.एल.सकनुरे यांनी विद्यार्थ्यांना राष्ट्रीय सेवा योजना स्थापना दिन व ग्राम स्वच्छता यावर सविस्तर मार्गदर्शन केले. या कार्यक्रमाचे प्रास्ताविक व सूत्रसंचालन गायकवाड यांनी केले तर उपस्थितांचे आभार मादळे यांनी मानले. महाविद्यालयातील सर्व विद्यार्थ्यांना सांस्कृतिक विभागप्रमुख डॉ रविंद्र बाविस्कर यांनी स्वच्छतेची शपथ दिली. या कार्यक्रमास प्रा भारतभूषण बाळबुध्दे, डॉ भरत मुस्कावाड,क्रिडा विभागप्रमुख डॉ दिलीप काळे, डॉ एकनाथ भिंगोले, डॉ विलास पवार, प्रा अंकुश शिंदे, डॉ एम. एम. सय्यद, डॉ एन. एच. पांचाळ, यांच्यासह महाविद्यालयातील सर्व शाखेचे विद्यार्थी व सर्व शिक्षक-शिक्षकेतर कर्मचारी सदरील उपक्रमास उपस्थित होते.हा कार्यक्रम यशस्वी व्हावा म्हणून श्री सादगिरे बालाजी,श्री निळकंठे दत्ता,श्री शिदे पिटू यांनी परिश्रम घेतले. हा कार्यक्रम महाविद्यालयातील अल्पो उपहारानंतर कार्यक्रमाची सांगता करण्यात आली.
