आशाताई बच्छाव
मानवी आरोग्यास घातक असलेला गांजा शेती करणाऱ्यास पोलिसांनी घेतले ताब्यात
जाफराबाद जालना प्रतिनिधी – मुरलीधर डहाके
दिनांक 14/02/2025
जालना जिल्ह्यात अवैद्य गांजा विक्री करणाऱ्यावर कारवाई करण्याचे मा. पोलीस अधीक्षक श्री. अजय कुमार बंसल साहेब यांनी स्थानिक गुन्हे शाखेचे पोलीस निरीक्षक श्री. पंकज जाधव यांना सूचना दिल्या की त्या अनुषंगाने पोलीस निरीक्षक स्थानिक गुन्हे शाखा जालना यांनी पथकातील अधिकारी व अंमलदार यांना अवैध्य विक्री करणारे इसमांची माहिती काढून त्यांचे वर कारवाई करण्याच्या सूचना देऊन मार्गदर्शन केले होते.
त्या अनुषंगाने दिनांक 13/02/2025 रोजी गुप्ता बातमीदार यांचे मार्फत माहिती मिळाली की मौजे साकळगाव ता. घनसावंगी जी. जालना शिवारामधील शेतामध्ये इसम नामे भास्कर माणिक माने रा. साकळगाव ता. घनसावंगी जि. जालना हा त्यांचे शेतामध्ये मानवी आरोग्यास घातक असलेला गांजाची शेती करून स्वतःचे आर्थिक फायद्यासाठी गांजा विक्री करत आहे. मिळालेल्या बातमीच्या आधारे स्थानिक गुन्हे शाखा जालना व घनसावंगी पोलीस ठाणेचे पोलीस अधिकारी व अंमलदार मौजे साकळगाव तालुका घनसावंगी जिल्हा जालना येथे नामे भास्कर माणिक माने रा. साकळगाव ता. घनसावंगी जि. जालना त्यांचे शेतात छापा मारून त्यांचा गट क्र.125 साकळगाव शिवारामधील शेतामध्ये पाहणी केली असता इसम नामे भास्कर माणिक माने हा त्याचे शेतामध्ये गांजाचे एकूण 22 झाडांची लागवड करून संवर्धन व जोपासना करीत असताना मिळून आला त्यामुळे सदर गांजाची 22 झाडांची पंचासमक्ष वजन केले असता ते 5 किलो 464 ग्राम असून किंमत अंदाजे 54640/-त्याचे दिसून ते तपास कामी जप्त करण्यात आला असून नामे भास्कर माणिक माने वय 55 वर्ष रा. साकळगाव ता. घनसांगी जि. जालना यांचे विरुद्ध पोलीस ठाणे घनसावंगी जालना येथे सरकारतर्फे उपनि राजेंद्र वाघ स्थानिक गुन्हे शाखा जालना यांचे फिर्यादीवरून एन.डी.पी.एस. कायद्याप्रमाणे गुन्हा दाखल करण्यात आला आहे.
सदरची कारवाई मा .पोलीस अधीक्षक श्री .अजय कुमार बंसल व मा. अप्पर पोलीस अधीक्षक श्री .आयुष नोपाणी ,उपविभागीय पोलीस अधिकारी अंबड श्री. विशाल खांबे यांच्या मार्गदर्शनाखाली स्थानिक गुन्हे शाखेचे पोलीस निरीक्षक श्री .पंकज जाधव घनसावंगी पोलीस ठाण्याचे प्रभारी अधिकारी पोलीस निरीक्षक श्री.केतन राठोड स्थानिक गुन्हे शाखेची अधिकारी पोलीस उपनिरीक्षक राजेंद्र वाघ व सोबत स्थानिक गुन्हे शाखेचे अंमलदार गोपाल घोषित फुलचंद गव्हाणे ,श्रीकांत आहेर ,सागर बाविस्कर देविदास भोजने, सतीश श्रीनिवास ,संदीप चिंचोले तसेच घनसांगी पोलीस ठाण्याचे अंमलदार रंजीत वैराळ, सुनील वैद्य, प्रकाश पवार ,धनश्री गवळे ,गंगाराम कदम इत्यादींनी केली आहे.
