आशाताई बच्छाव
प्रा अरुण भोसले यांचा सेवापूर्ती कार्यक्रम संपन्न
मुखेड युवा मराठा न्युज नेटवर्क बस्वराज स्वामी
मुखेड तालुक्यातील मुक्रमाबाद येथील श्री छत्रपती शिवाजी कनिष्ठ महाविद्यालयातील प्रा अरुण भिमराव भोसले सर हे वयोमानानुसार दि. 30 सप्टेंबर 2024 रोजी अविरत 29 वर्ष सेवा करुन सेवानिवृत्त झाले. ते एक उत्तम प्राध्यापक (इतिहास,राज्यशास्त्र ) म्हणून विद्यार्थीप्रिय होते. त्यांचा सेवापूर्ती निरोप समारंभ दि. 01 आक्टोबर रोजी श्री छत्रपती शिवाजी कनिष्ठ महाविद्यालयाकडून आयोजित करण्यात आला . या कार्यक्रमाचे अध्यक्ष मा. व्यंकटराव पाटील गोजेगावकर,हे होते तर कार्यक्रमाचे प्रमुख पाहूणे रामचंद्र (बबन)पाटील, बाबुराव पाटील आंदेगावकर, शिवशंकर पाटील कलंबरकर, प्राचार्य मुकुंदराज जाधव, प्राचार्य डॉ विवेक इनामदार हे उपस्थित होते. या कार्यक्रमाचे सूत्रसंचालन डॉ बालाजी खराबे यांनी केले. तर कार्यक्रमाचे प्रास्ताविक प्राचार्य मुकुंदराज जाधव यांनी केले. या कार्यक्रमात माजी विद्यार्थी गिरी रामगिर, माळेगावे रामदास, शिवशंकर पाटील कलंबरकर यांनी आपले मनोगत व्यक्त केले. या कार्यक्रमास अजित पाटील तोडचिरकर,अच्युतराव कदम, हरिपाल कदम, अरुणराव कदम, प्रा हनमंत नारायण पाटील, मुक्रमाबाद नगरीतील वैद्यकीय क्षेत्रातील सर्व डॉक्टर आणि पत्रकार बंधु व आजी व माझी विद्यार्थी मोठ्या संख्येने भोसले सरांना सेवापूर्ती निमित्त शुभेच्छा देण्यासाठी उपस्थित होते. या कार्यक्रमात प्रा अरुन भोसले यांनी आपली 29 वर्षातील वाटचाल अगदी कमी शब्दात प्रकट केली.शेवटी अध्यक्षीय समारोप मा. व्यंकटराव पाटील गोजेगावकर यांनी केले.या कार्यक्रमास महाविद्यालयातील शिक्षक-शिक्षकेतर कर्मचारी उपस्थित होते.
