आशाताई बच्छाव
पिठाच्या गिरणीतून मोबाईलसह रोकड लांबवणार्या चोरट्यास अटक
चाळीसगाव प्रतिनिधी विजय पाटील- शिवाजी चौकातील जोगेश्वरी पापड व पिठाच्या गिरणीतून मोबाईलसह रोकड चोरून नेणार्या धुळ्यातील चोरट्यास चाळीसगाव शहर पोलीसांनी अटक केली. त्याच्या ताब्यातून चोरीचा ऐवज जप्त करण्यात आला आहे.
शिवाजी चौकातील जोगेश्वरी पिठाच्या गिरणीतून 7 हजार रूपये किंमतीचा मोबाईल व रोख 3320 रूपये असा सुमारे 10 हजार 320 रूपयांचा ऐवज चोरीची घटना शनिवार 3 रोजी घडली होती. याप्रकरणी विनोद प्रकाश बारी यांच्या फिर्यादीवरून चाळीसगाव शहर पोलीस ठाण्यात गुन्हा दाखल करण्यात आला.
या चोरीचा तपास पोलीस निरीक्षक संदीप पाटील यांच्या सुचनेनुसार गुन्हे शोध पथकातील हवालदार राहूुल सोनवणे, भूषण पाटील, महेंद्र पाटील, विजय पाटील, ज्ञानेश्वर पाटोळे, आशुतोष सोनवणे, रविंद्र बच्छे, पवन पाटील, राकेश महाजन यांच्या पथकाने करून चोरट्याचा शोध घेतला असता चाळीसगाव बस स्थानकाच्या पाठीमागे परिसरात संशयित आनंद राजेंद्र सरोदे (45) रा. गल्ली नं.7, पारोळा रोड, धुळे हा हाती लागला. त्याचे ताब्यातून चोरीचा ऐवज जप्त करण्यात आला. तपास राहूल सोनवणे व ज्ञानेश्वर पाटोळे करीत आहेत.