🛑 वादळी पावसात ट्रॅकवरच अडकली लोकल, 400 लोकांना बाहेर काढण्यासाठी NDRF टीमला केलं पाचारण 🛑

0
20

🛑 वादळी पावसात ट्रॅकवरच अडकली लोकल, 400 लोकांना बाहेर काढण्यासाठी NDRF टीमला केलं पाचारण 🛑

मुंबई ( साईप्रजित मोरे ब्युरो चीफ युवा मराठा न्युज )

मुंबई, 6 ऑगस्ट : ⭕ मुंबई आणि परिसरात मुसळधार पाऊस कोसळत आहे. त्यामुळे मस्जिद बंदर स्टेशनला दोन लोकल ट्रेन (Mumbai Local) अडकून पडल्या आहेत. ज्यामध्ये सुमारे 400 लोक अडकले आहेत. या लोकल मागे किंवा पुढे नेणं शक्य होत नसल्याची माहिती आहे. त्यामुळे लोकल ट्रेनमध्ये अडकलेल्या लोकांना बाहेर काढण्यासाटी एनडीआरएफच्या टीमला पाचारण करण्यात आलं आहे.

सीएसएमटी ते कर्जत आणि कर्जत ते सीएसएमटी अशा दोन ट्रेन ट्रॅकवर अडकल्या आहेत. सध्या एनडीआरएफची टीम दाखल झाली असून प्रवाश्यांना बाहेर काढण्याचं काम सुरू आहे. मुंबईत कोसळलेल्या वादळी पावसामुळे नागरिकांना मोठा त्रास सहन करावा लागत आहे. अनेक ठिकाणी झाडे उन्मळून पडली आहेत. जोरदार वादळी वाऱ्यांसह आलेल्या पावसाने मुंबईची दुरवस्था केली आहे. दक्षिण मुंबईत पावसाच्या झंझावाताने सर्वाधिक कहर केला. अनेक ठिकामी झाडं पडल्याने रस्ते बंद आहेत. ईस्टर्न एक्स्प्रेस हायवे या पावसाळ्यात पहिल्यांदाच वाहतुकीसाठी बंद करण्यात आला आहे.

दादर, हिंदमाता भागात तळं साठलं आहे. CSMT ते कुर्ला रेल्वे ट्रॅकवर पाणी साठल्याने वाशीकडे आणि कल्याणकडे जाणारी मध्य रेल्वेची वाहतूकही बंद आहे.

पुढील तीन तासांसाठी मुंबई आणि शहरासाठी हाय अलर्ट देण्यात आला आहे. पुढील तीन तासात मुसळधार ते अतिमुसळधार पाऊस कोसळण्याची शक्यता वर्तवण्यात आली आहे. तसंच शंभर किलोमीटर प्रतितास वेगाने वारे वाहतील. तर काही ठिकाणी पूर येण्याची शक्‍यता आहे, असं हवामान विभागाकडून सांगण्यात आलं आहे.⭕

Previous article🛑 मुंबईत हायअलर्ट! 9 तासांतच 229 मिमी पाऊस, 26 जुलैची आठवण करुन देणारी स्थिती 🛑
Next article*रावळगावच्या आठवणी आणि मुक्या प्राण्याची माया*
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here