🛑 फ्लिपकार्ट Quick सर्विस लाँच, फक्त ९० मिनिटात सामानांची डिलिव्हरी 🛑

0
37

🛑 फ्लिपकार्ट Quick सर्विस लाँच, फक्त ९० मिनिटात सामानांची डिलिव्हरी 🛑

मुंबई ( साईप्रजित मोरे ब्युरो चीफ युवा मराठा न्युज )

मुंबई, 30 जुलै : ⭕ ई-कॉमर्स कंपनी Flipkart ने नवीन सर्विस लाँच केली आहे. ही फ्लिपकार्टची नवीन सर्विस आहे. या सर्विसला Flipkart Quick असे नाव दिले आहे. फ्लिपकार्ट क्विक कंपनी एक हायपर लोकल डिलिव्हरी सर्विस आहे. या सर्विस अंतर्गत तुम्हाला फक्त ९० मिनिटात तुमचे सामान घरी पोहोचू शकते. या सर्विसमध्ये तुम्ही २ तासांचा स्लॉट आपल्या सुविधेनुसार बुक करु शकतात. कस्टमर या सर्विस अंतर्गत दिवसभारात कधीही ऑर्डर प्लेस करु शकतात.

या सर्विसचा फायदा घ्यायचा असेल तर तुम्हाला कमीत कमी २९ रुपयांचा डिलिव्हरी चार्ज द्यावा लागेल. सुरुवातीला ही सर्विस बेंगळुरूमधील काही भागात उपलब्ध करण्यात आली आहे. पुढील काही महिन्यात कंपनी ६ नवीन शहरांत ही सर्विस सुरु करणार आहे. फ्लिपकार्टची ही सर्विस निश्चित पणे ग्राहकांसाठी खास असणार आहे. फ्लिपकार्टची भारतात सर्वात जास्त टक्कर अॅमेझॉनशी होते. त्यामुळे फ्लिपकार्टनंतर अॅमेझॉन सुद्धा ही सर्विस सुरू करण्याची शक्यता आहे. सध्या कोणतीही ई-कॉमर्स कंपनी इतकी फास्ट सर्विस देत नाही.

या सर्विस अंतर्गत तुमही २ हजारांहून अधिक प्रोडक्ट्सची ऑर्डर करू शकतात. यात ग्रॉसरी, डेरी, मीट, मोबाईल, इलेक्ट्रॉनिक अॅक्सेसरी आणि स्टेशनरी यासारख्या उत्पादनाची ऑर्डर करु शकतात. या सर्विस अंतर्गत कंपनी सकाळी ६ वाजेपासून ते रात्री १२ वाजेपर्यंत डिलिव्हरी करणार आहे. सध्या फ्लिपकार्ट प्लस मेंबर्सला वनडे डिलिव्हरी मिळते. म्हणजेच ऑर्डर प्लेस केल्यानंतर ग्राहकांना त्यांचे सामान पोहोचवले जाते.

या सर्विससाठी फ्लिपकार्ट अडवॉन्स लोकेशन मॅपिंगचा वापर करणार आहे. ज्यामुळे कमीत कमी वेळात ग्राहकांना त्यांची ऑर्डर पोहोचवता येवू शकते. अडवान्स लोकेशन मॅपिंग अंतर्गत ग्राहकांच्या लोकेशनची चांगली माहिती मिळेल. त्यामुळे सामान डिलिव्हरी करणे सोपे जाईल.⭕

Previous article🛑 तुमचा मास्क Original आहे का? २१ लाखाच्या बनावट N-95 मास्कसह एकाला अटक! 🛑
Next article🛑 अनफिट असल्यामुळं पोलीस कर्मचारी करोनाला पडताहेत बळी; राज्यात ९८ पोलिसांचा मृत्यू 🛑
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here