🛑 धारावी पॅटर्नचं श्रेय घेणं ही तर निलाजरी प्रवृत्ती; शिवसेनेच्या ‘या’ नेत्याचा भाजपवर निशाणा 🛑 मुंबई ( साईप्रजित मोरे ब्युरो चीफ युवा मराठा न्युज )

0
156

🛑 धारावी पॅटर्नचं श्रेय घेणं ही तर निलाजरी प्रवृत्ती; शिवसेनेच्या ‘या’ नेत्याचा भाजपवर निशाणा 🛑
मुंबई ( साईप्रजित मोरे ब्युरो चीफ युवा मराठा न्युज )

मुंबई, 13 जुलै : ⭕ धारावी पॅटर्नच्या यशाचे श्रेय घेण्याचा भाजपाचा प्रयत्न म्हणजे मढ्यावरचं लोणी खाण्याची निलाजरी प्रवृत्ती आहे, अशा शब्दांत शिवसेनेचे खासदार राहुल शेवाळे यांनी भाजपवर टीकास्त्र सोडलं आहे. धारावीतील करोनाचा प्रादुर्भाव रोखण्यात प्रशासनाला आलेल्या यशाचं जागतिक आरोग्य संघटनेने कौतुक केलेलं असतानाच भाजपने या कामगिरीचं श्रेय घेण्याचा प्रयत्न केला असता शेवाळे यांनी ही टीका केली आहे.

धारावीतील करोनाचा प्रादुर्भाव रोखण्यात प्रशासनाला आलेल्या यशाचं जागतिक आरोग्य संघटनेने कौतुक केलेलं असतानाच आता धारावीच्या श्रेयवादावरून भाजप-शिवसेनेत जुंपली आहे. धारावीचं श्रेय फक्त सरकारचंच नाही तर राष्ट्रीय स्वयंसेवक संघाच्या स्वयंसेवकांनीही धारावीत जीव धोक्यात घालून काम केलं आहे, असं भाजपचे प्रदेशाध्यक्ष चंद्रकांत पाटील यांनी म्हटलं आहे. तर धारावी पॅटर्नच्या यशाचे श्रेय घेण्याचा भाजपाचा प्रयत्न म्हणजे मढ्यावरचं लोणी खाण्याची निलाजरी प्रवृत्ती आहे, अशी टीका शिवसेनेने केली आहे.

जागतिक आरोग्य संघटनेने धारावीची साखळी तोडण्यात सरकारला आलेल्या यशाचं कौतुक केलं आहे. त्यावर भाजपचे प्रदेशाध्यक्ष चंद्रकांत पाटील यांनी प्रतिक्रिया व्यक्त केली आहे. धारावीत सरकारच्या कामाचं कौतुकच आहे. मात्र, सरकारच्या कामाने धारावीतील करोना नियंत्रणात आला की राष्ट्रीय स्वयंसेवक संघाने जीव धोक्यात घालून स्क्रिनिंग केलं म्हणून आला. स्वयंसेवकांनी जीव धोक्यात घालून प्रत्येक घरात जाऊन प्रत्येक सदस्याची तापमान, ऑक्सिजन, सॅच्युरेशन तपासणी केली. जे संशयास्पद वाटलं ते महानगरपालिकेला सांगितलं. त्यांनी हे काम पालिकेच्या मदतीनेच केलं. त्यामुळे सर्व श्रेय सरकारचं असण्याचं काहीच कारण नाही, असं पाटील म्हणाले.

मुंबईत करोना नियंत्रणात आला तर आम्हाला आनंदच आहे. मात्र, करोनावर नियंत्रण आणलं म्हणून भ्रष्टाचारावर बोलायचं नाही का? करोनाच्या कामाचं अभिनंदन करताना मागे जो भ्रष्टाचार झाला त्याचेही विषय काढू, असा चिमटा पाटील यांनी काढला. तर पाटील यांच्या टीकेला शिवसेनेतून शिवसेना खासदार राहुल शेवाळे यांनी सडेतोड उत्तर दिलं आहे. धारावी पॅटर्नच्या यशाचे श्रेय घेण्याचा भाजपाचा प्रयत्न म्हणजे मढ्यावरचं लोणी खाण्याची निलाजरी प्रवृत्ती आहे. धारावीतील परिस्थिती नियंत्रणात आणण्यासाठी प्रत्यक्ष कोणी किती मेहनत घेतली, याची साक्ष धारावीतील जनताच देईल. मोठेपणा हा मागून मिळत नाही, तो कमवावा लागतो. उगीच नको त्या विषयात राजकारण करून जनतेच्या भावनांचा अनादर करणे विरोधकांना महागात पडेल, असा इशारा शेवाळे यांनी दिला.

तसेच करोना संकटाच्या काळात दिवसरात्र सरकारवर टीका करायची आणि चांगल्या कामगिरीच्या श्रेयासाठी रेटून खोटं बोलायचं, ही दुटप्पी भूमिका आहे. राज्य सरकार, मुंबई महानगरपालिका, डॉक्टर्स, मुंबई पोलीस, स्थानिक लोकप्रतिनिधी आणि धारावीची जनता यांच्या एकत्रित प्रयत्नामुळेच धारावीत करोनावर नियंत्रण मिळविणे शक्य झाले आहे, असंही शेवाळे यांनी म्हटलं आहे.⭕

LEAVE A REPLY

Please enter your comment!
Please enter your name here