प्रवाशांच्या सुरक्षेसाठी मध्य रेल्वेचा रोबोट ‘अर्जुन’ सज्ज

0
29

🛑 प्रवाशांच्या सुरक्षेसाठी मध्य रेल्वेचा रोबोट ‘अर्जुन’ सज्ज 🛑
मुंबई ( साईप्रजित मोरे ब्युरो चीफ युवा मराठा न्युज )

मुंबई, 14 जून : ⭕ कोरोनापासून प्रवाशांचे आणि रेल्वे कर्मचार्‍यांचे संरक्षण व सुरक्षा करण्याच्या प्रयत्नात भारतीय रेल्वेने विविध नाविन्यपूर्ण उपाययोजना सुरू केल्या आहेत. नुकतेच रेल्वे सुरक्षा दलाने, रेल्वे स्थानकांवर येणाऱ्या प्रवाशांच्या तपासणी आणि स्क्रीनिंगसाठी रोबोटिक कॅप्टन “अर्जुन” पुणे रेल्वे स्थानकांवर तैनात केले आहेत. त्यामुळे आता प्रवाशांचे थर्मल स्क्रिनिंग करण्यासाठी तसेच रेल्वे स्थानक परिसरातील असामाजिक घटकांवर लक्ष ठेवण्यासाठी अर्जुन रोबोटची मोठ्या प्रमाणावर मदत होणार आहे.

रेल्वे बोर्डातील आरपीएफचे महासंचालक अरुण कुमार यांच्या हस्ते आणि मध्य रेल्वेचे महाव्यवस्थापक संजीव मित्तल, अतुल पाठक, प्रधान मुख्य सुरक्षा आयुक्त रेणू शर्मा, विभागीय रेल्वे व्यवस्थापक, पुणे विभाग, मुख्य सुरक्षा आयुक्त आलोक बोहरा आणि पुणे विभाग विभागीय सुरक्षा कमांडंट अरुण त्रिपाठी यांच्या उपस्थितीत शुक्रवार सायंकाळी या अत्याधुनिक रोबोटिक कॅप्टन “अर्जुन” ला ऑनलाईन लाँच केले. यावेळी संजीव मित्तल, जनरल मॅनेजर यांनी रेल्वे सुरक्षा दलाच्या नाविन्याची प्रशंसा केली आणि ते म्हणाले, “रोबोटिक कॅप्टन अर्जुन प्रवाशांना आणि कर्मचार्‍यांना कोणत्याही प्रकारच्या संसर्गापासून संरक्षण देईल आणि त्यांच्या देखरेखीमुळे वाढीव सुरक्षा मिळेल”.

कॅप्टन अर्जुन मध्ये मोशन सेन्सर, एक पीटीझेड कॅमेरा (पॅन, टिल्ट, झूम कॅमेरा) आणि एक डोम कॅमेराने सुसज्ज आहे. संशयास्पद असामाजिक हालचालींचा मागोवा घेण्यासाठी कॅमेरे कृत्रिम बुद्धिमत्ता अल्गोरिदम वापरतात, इनबिल्ट सायरन, मोशन अ‍ॅक्टिवेटेड स्पॉटलाइट एच -२६४ प्रोसेसर यात आहेत. नेटवर्क बिघाड झाल्यास रेकॉर्डिंगसाठी अंतर्गत अंगभूत स्टोरेज देखील आहे. कॅप्टन अर्जुन थर्मल स्क्रीनिंग करतो आणि ०.५ सेकंदात प्रतिक्रियेसह डिजिटल डिस्प्ले पॅनेलमध्ये तापमान नोंदवितो आणि तापमान संदर्भ श्रेणीपेक्षा जास्त असल्यास स्वयंचलित अलार्म होतो.

कोविड-१९ वर जागरूकता संदेश देण्यासाठी यामध्ये स्पीकर्स लावण्यात आले आहे. कॅप्टन अर्जुन कडे सेन्सर-आधारित सॅनिटायझर आणि मास्क डिस्पेंसर देखील आहे आणि त्यांना हलवताही येऊ शकते. रोबोटमध्ये फ्लोर सॅनिटायझेशनसाठी चांगली सुविधा आहे.⭕

Previous articleराज्यात सलून सुरू करण्यास सरकारची परवानगी!
Next articleमुंबईत आढळली कोरोनाची नवी लक्षणे, हा त्रास झाला तर त्वरीत जा डॉक्टरांकडे
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here