वरळीच्या डोम सेंटरमध्ये ‘या’ देशातील करोना रुग्णावरही उपचार

0
26

🛑 वरळीच्या डोम सेंटरमध्ये ‘या’ देशातील करोना रुग्णावरही उपचार 🛑
मुंबई ( साईप्रजित मोरे ब्युरो चीफ युवा मराठा न्युज )

मुंबई, 13 जून : ⭕ वरळीच्या एनएससीआय डोम सेंटरमध्ये परळच्या टाटा रुग्णालयातील कर्करोग आणि करोना या दोन्ही आजारांशी झुंज देणाऱ्या रुग्णांवर उपाचर सुरू आहेत. या डोम सेंटरमध्ये १७६ रुग्णांवर उपचार करण्यात आले असून आतापर्यंत १२६ रुग्ण करोनाने बरे झाले असून त्यांना डिस्चार्ज देण्यात आला आहे. या रुग्णांमध्ये आसाम, त्रिपुरापासून ते बांगलादेशातील रुग्णांचाही समावेश आहे.

वरळीच्या या डोम सेंटरमध्ये महाराष्ट्रातील ९२ रुग्ण होते. त्यापैकी ६६ रुग्णांना उपचार करून घरी सोडण्यात आले आहे. तर उत्तर प्रदेशातील १८ पैकी १४, पश्चिम बंगालमधील २६ पैकी १६, बिहारमधील २१ पैकी १२, झारखंडमधील १० पैकी ९, गोवा आणि तामिळनाडूतील प्रत्येकी एक, आसाम आणि त्रिपुरातील प्रत्येकी दोन, छत्तीसगडमधील दोनपैकी एका, मध्यप्रदेशातील दोघा आणि बांगलादेशातील एका रुग्णावर उपचार करून डिस्चार्ज देण्यात आला आहे. विशेष म्हणजे हे करोनासह कर्करोगाशीही झुंज देत आहेत.

या पार्श्वभूमीवर, महानगरपालिकेने वरळी येथील नॅशनल स्पोर्टस्‌ क्लब ऑफ इंडिया येथे विकसित केलेल्या डोम कोरोना काळजी केंद्रात कर्करुग्णांसाठी विशेष व्यवस्था केली आहे. कर्करुग्णांमध्ये प्रतिकारशक्ती स्वाभाविकच खालावलेली असते. त्यात कोरोनाचीदेखील लागण झाल्यास त्यांच्या जीविताला धोका पोहोचू नये, यासाठी महापालिकेने टाटा रुग्णालयाला मदतीचा हात दिला आहे. तेथील कोविड बाधित कर्करुग्णांना डोम कोरोना केंद्रामध्ये आणून उपचार केले जात आहेत, असं पालिकेने म्हटलंय.

टाटा रुग्णालयातून डोम करोना केंद्रामध्ये आलेल्या कोविड बाधित कर्करुग्णांमध्ये अवघ्या २ वर्ष वयाच्या चिमुरड्यापासून ते ७७ वर्ष वयापर्यंतच्या वृद्ध रुग्णाचा समावेश आहे. देशातील जवळपास सर्व भागातून आलेल्या रुग्णांसह एक विदेशी नागरिकही त्यात आहे. दाखल रुग्णांपैकी बहुतांश हे ५० वर्ष वयावरील आहेत. आतापर्यंत एकूण १७६ कोरोना बाधित कर्करुग्ण डोम कोरोना केंद्रामध्ये उपचारार्थ दाखल झाले. पैकी १२६ जणांना यशस्वी उपचार देऊन, करोना चाचणी निगेटिव्ह आल्यानंतर त्यांना सोडण्यात आले आहे. यामध्ये एका विदेशी नागरिकाचाही समावेश आहे. तर ५२ जणांवर उपचार सुरु आहेत. यातील लक्षणीय बाब अशी की, यातील एकही रुग्ण सुदैवाने दगावला नसून ही अत्यंत दुर्मिळ बाब ठरली आहे, असं पालिकेने स्पष्ट केलं.

एकाही रुग्णाचा मृत्यू नाही.

या डोम करोना केंद्रामध्ये रुग्णांच्या १० नातेवाईकांवर देखील यशस्वी उपचार करुन त्यांना घरी सोडण्यात आले असून ४ नातेवाईकांवर सध्या उपचार सुरू असल्याची माहितीही पालिकेने दिली.⭕

Previous articleछत्रपती शिवाजी महाराज यांच्या हिंदवी स्वराज्यातील सातारा
Next articleनाशिक देवळा तालुक्यात बिबट्याच्या हल्ल्यात दोन गोऱ्हे ठार
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here