१० जूनपासून नवीन नियम लागू, एसबीआय ग्राहकांना लाभ मिळणार

0
24

🛑 १० जूनपासून नवीन नियम लागू, एसबीआय ग्राहकांना लाभ मिळणार 🛑
मुंबई ( साईप्रजित मोरे ब्युरो चीफ युवा मराठा न्युज )

मुंबई, 10 जून : ⭕ जर आपण स्टेट बँक ऑफ इंडिया म्हणजेच एसबीआयचे ग्राहक असाल तर ही बातमी तुमच्यासाठी आहे. एसबीआयचा एक नवीन नियम १० जूनपासून लागू होणार आहे. लाखो ग्राहक याचा लाभ घेऊ शकतात. एसबीआयने १० जूनपासून फंडाचा मार्जिनल कॉस्ट बेस्ड इंटरेस्ट रेट (एमसीएलआर) मध्ये ०.२५ टक्के कपात करण्याची घोषणा केली आहे. या वजावटीनंतर एक वर्षाच्या कालावधीचा एमसीएलआर दर ७.२५ टक्क्यांवरून ७ टक्के करण्यात आला आहे.

एमसीएलआर दर सलग १३ वेळा बँकेने कमी केला आहे. यापूर्वी एसबीआयने बाह्य बेंचमार्क व्याज दर (ईबीआर) ७.०५ टक्क्यांवरून वार्षिक ६.६५ टक्क्यांवर आणला. त्याचबरोबर रेपो दराशी संबंधित व्याज दर ६.६५ टक्क्यांवरून ६.३५ टक्क्यांपर्यंत कमी करण्यात आला आहे. तथापि, हे नवीन दर जुलैमध्ये लागू होतील.

ग्राहकांचा फायदा काय?

बँकेच्या निवेदनात म्हटलं आहे की, “एमसीएलआर दराशी संबंधित गृह कर्जाची समान मासिक हप्त्याची रक्कम ४२१ रुपयांनी कमी केली जाईल. त्याचबरोबर ईबीआर, आरएलएलआर लिंक्ड होम लोनचा मासिक हप्ता ६६० रुपयांनी कमी केला जाईल. ही गणना ३० वर्षांच्या कालावधीसाठी २५ लाख रुपयांपर्यंतच्या गृह कर्जावर केली गेली आहे.”⭕

Previous articleगणोशोत्सवाबाबत सरकारचा निर्णय मान्य असेल, मुबंईतील गणोशोत्सव मंडळांची भूमिका
Next articleराज्याची सुत्रे राष्ट्रवादीकडे?
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here