अखेर म्हातोबादरा, सुतारदरा परिसरातील बॅरिकेड्स हटविले

0
50

🛑अखेर म्हातोबादरा, सुतारदरा परिसरातील बॅरिकेड्स हटविले🛑
✍️पुणे (विलास पवार ब्युरो चीफ युवा मराठा न्युज )

पुणे :⭕ नागरिकांच्यासंतप्त मागणीला लोकप्रतिनिधींची साथ लाभल्याने अखेर कंटेन्मेंट भाग वगळता इतर भागातील बॅरिकेडस काढण्याचा निर्णय प्रशासनाने घेतला.

कोथरुड (पुणे) :कोथरुडमधील म्हातोबादरा, सुतारदरा, जयभवानीनगर, किष्किंधानगर या भागात कोरोना बाधित रुग्ण नसताना या वस्ती भागाला जोडणारे रस्ते बंद करण्यात आल्याने नागरिकांमध्य संतापाची भावना होती. त्यातच जयभवानीनगरमध्ये एका आजींचा मृतदेह बाहेर काढायला रस्ता बंद असल्याने त्रास झाल्याने नागरिकांनी पत्रा तोडत रस्ता मोकळा केला. नागरिकांच्यासंतप्त मागणीला लोकप्रतिनिधींची साथ लाभल्याने अखेर कंटेन्मेंट भाग वगळता इतर भागातील बॅरिकेडस काढण्याचा निर्णय प्रशासनाने घेतला.
कोथरुडमध्ये शास्रीनगर मधील पोस्टमन कॉलनी, पीएमसी कॉलनी, पौडरस्त्यावरील राहुल कॉम्प्लेक्स, केळेवाडीमधील गणपती मंदिर परिसर, विठ्ठल मंदिर परिसर हा भाग कंटेन्मेंट झोन म्हणून जाहीर केला आहे. या भागांमध्ये कंटेन्मेंटचे नियम लागू होतील. जयभवानीनगर मधील रुग्ण कोरोनामुक्त झाल्याने आता हा भाग कंटेन्मेंट ठेवायची गरज नसल्याचे कोथरुड क्षेत्रिय कार्यालयाचे सहाय्यक आयुक्त संदीप कदम यांनी सांगितले.
नगरसेवक दिपक मानकर यांनी सांगितले की, गेली अडीच महिन्याहून अधिक काळ लोक बंदिस्त अवस्थेत आहेत. त्यांना पोटापाण्यासाठी कामाला जाण्याची आवश्यकता आहे. ज्या भागात कोरोना रुग्ण नाहीत त्याभागातील लोकांच्या वाटा बंद करणे योग्य नाही. समाज सुरक्षेचे नियम पाळत लोकांना कामासाठी बाहेर जाता येईल अशी व्यवस्था व्हावी अशी मागणी आम्ही केली आहे. नगरसेविका वैशाली मराठे, राजेंद्र मराठे, जितेश दामोदरे, तात्या कसबे, हरीभाऊ सणस, जयवंत दहिभाते, हनुमंत मोहोळ आदींनी सहाय्यक आयुक्त कदम यांना भेटून नागरिकांच्या मागण्यांचे निवेदन दिले.⭕

Previous articleमाजी आमदार मेधा कुलकर्णी यांना धक्काबुक्की; तिघांना अटक
Next articleकॉलेजांकडून विद्यार्थ्यांना शैक्षणिक शुल्क भरण्याची सक्ती
युवा मराठा न्यूजपेपर्स आणि वेब पोर्टलवर प्रसिद्ध झालेल्या बातम्या व लेखांशी संपादक, मालक प्रकाशक  / अथवा मुद्रक सहमत असतीलच असे नाही. बातमी, लेख व जाहिरातीतील मजकूराची वैधता तपासून पाहू शकत नाही. बातमी, लेख व जाहिरातीतून उद्भवणाऱ्या कोणत्याही विषयाला युवा मराठा न्यूज जबाबदार नसून, संबंधित वार्ताहर, लेखक किंवा जाहिरातदारच आहे. युवा मराठा आँनलाईन वेब न्युज पोर्टल कुठलीही जबाबदारी घेत नाही. शिवाय वादविवाद हे मालेगांव, जि.नाशिक न्यायालयाअंतर्गतच चालविले जातील. भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.

LEAVE A REPLY

Please enter your comment!
Please enter your name here